Last updated on July 11th, 2024 at 11:56 am
ಕುಡ್ಲ: ಜಿಲ್ಲೆಡೊರ್ಮೆ ಕರಿನ ಕೆಲದಿನೊರ್ದಿಂಚಿ ದೊರಿಯೊಂದಿತ್ತಿನ ರಣಬರ್ಸ ಒಂತೆ ಕಮ್ಮಿ ಆತಿಲೆಕ ತೋಜುಂಡು. ಅಂಗಾರೆ, ಬುದಾರ ಬರ್ಸದ ಅರಬಟ ಕಮ್ಮಿ ಇತ್ತ್ಂಡ್.
ಆಂಡ ಇದಮುಟ್ಟ ದೊರಿನ ಬರ್ಸ ಮಲ್ಲ ಮಟ್ಟ್‌ದ ಹಾನಿ ಮಲ್ದ್ಂಡ್. ಬರ್ಸೊರ್ದಾವರ ಕುಡ್ಲ ಜಿಲ್ಲೆಡ್ 83 ಶಾಲೆಲೆಗ್ ಹಾನಿ ಆದಿತ್ತ್‌ದ್ ಸುಮಾರ್ ಮೂಜಿ ಕೋಟಿ ರೂಪಾಯಿದಾತ್ ನಷ್ಟ ಆತ್ಂಡ್ ಪಂದ್ ಅಂದಾಜಿ ಪಾಡ್ದೆರ್. ಕೆಲ ಶಾಲೆಲೆಗ್ ಪಾಕ ಹಾನಿ ಆತ್ಂಡ್. ಕೆಲ ಕಡೆಟ್ ಮಾಡ್ ತೋರೊಂದಿತ್ತ್‌ದ್ ಜೋಕುಲು ಕುಲ್ಯೆರಾವಂದಿ ಲೆಕ ಆತ್ಂಡ್. ಅಪಾಯಕಾರಿ ಸ್ಥಿತಿಟ್ ಇಪ್ಪುನ ಕಟ್ವಾನೊಲೆಡ್ ಪಾಠ ಮಲ್ಪಂದಿಲೆಕ ಜಿಲ್ಲಾಡಳಿತ ಸೂಚನೆ ಕೊರ್ತುಂಡು. ಜಿಲ್ಲೆಡ್ ಹಾನಿಯಾತಿನ ಶಾಲೆಲೆನ ಪಟ್ಟಿ ಮಲ್ತಿತ್ತ್‌ದ್, ಅವೆಟ್ 83 ಶಾಲೆಲೆನ್ ಗೋಡ್ಯಾದೆರ್. ಬಂಟ್ವಾಳಡ್ ಮಾತೆರ್ದ್ ಎಚ್ಚ 49 ಶಾಲೆಲೆಗ್ ಹಾನಿ ಆಂಡ, ಉಳ್ಳಾಲಡ್ 12 ಶಾಲೆಲೆಗ್ ಹಾನಿ ಆತ್ಂಡ್.