ಕಾಪು ಮಾರಿಗುಡಿಕ್ ಬತ್ತಿನ ಕ್ರಿಕೆಟರ್ ಸೂರ್ಯ ಕುಮಾರ್ ಯಾದವ್ ಬೊಕ್ಕ ಬೊಡೆದಿ ದೇವಿಶಾ ಶೆಟ್ಟಿ: ಒಡಿಪುಡು ತುಳುನಾಡ ಮರ್ಮಯನ ಟೆಂಪಲ್ ರನ್

Last updated on July 9th, 2024 at 01:17 pm

ಒಡಿಪು: ಟಿ20 ವಿಶ್ವಕಪ್ ಚಾಂಪಿಯನ್ ಭಾರತ ಕೂಟೊದ ಸದಸ್ಯೆ ಸೂರ್ಯಕುಮಾರ್ ಯಾದವ್ ತುಳುನಾಡ್‌ಗ್ ಬತ್ತ್‌ದೆರ್. ಸೂರ್ಯಕುಮಾರ್ ಯಾದವ್ ಬೊಡೆದಿ ದೇವಿಶಾ ಶೆಟ್ಟಿನ ಒಟ್ಟುಗು ಟೆಂಪಲ್ ರನ್ ಮಲ್ತೊಂದುಲ್ಲೆರ್. ಮುಂಬೈ ಕ್ರಿಕೆಟರ್ ಸೂರ್ಯಕುಮಾರ್ ಯಾದವ್ ಮೆರೆನ ಬೊಡೆದಿ ದೇವಿಶಾ ಶೆಟ್ಟಿ ಒಡಿಪುದಾರ್.

ಅಂಚಾದ್ ಟಿ20 ವಿಶ್ವಕಪ್ ಗೆಂದಿನ ಬೆರಿಟೇ ಬೊಡೆದಿನ ಊರುಗು ಬೈದಿನ ಸೂರ್ಯಕುಮಾರ್ ಯಾದವ್, ಮುಲ್ಪದ ದೇವಲ್ಯೊಲೆಗ್ ಭೇಟಿ ಕೊರೊಂದುಲ್ಲೆರ್. ಜುಲೈ 7ಕ್ ಸೂರ್ಯಕುಮಾರ್ ಯಾದವ್ ಬೊಕ್ಕ ದೇವಿಶಾ ಶೆಟ್ಟಿ 8ನೇ ಮದಿಮೆದ ವರ್ಸೊದಿನೊನ್ಲಾ ಆಚರಿತೆರ್. ಕಾಪುದ ಶ್ರೀ ಪೊಸ ಮಾರಿಗುಡಿ ದೇವಲ್ಯೊಗು ಬೊಡೆದಿನ ಒಟ್ಟುಗು ಬೈದಿನ ಸೂರ್ಯ ಕುಮಾರ್ ಯಾದವ್, ವಿಶೇಷ ಪೂಜೆ ಸಂದಾದೆರ್.