Last updated on August 29th, 2024 at 08:49 pm
ಪುತ್ತೂರು: (ಆ.29)ಬನ್ನೂರು ಕರ್ಮಲಡ್ ಪೊಲೀಸ್ ವಸತಿ ಗೃಹೊತ ಬರಿಟೇ ವೇಶ್ಯಾವಾಟಿಕೆ ನಡತೊಂದುಂಡು ಪನ್ಪಿನ ಆರೋಪೊಗು ಸಂಬಂಧಿತ್‌ದ್ ಪುತ್ತೂರು ನಗರ ಪೊಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದ್ ಇಲ್ಲಡಿತ್ತಿನ ಇರ್ವೆರ್ ಪೊಂಜೊವುಲೆನ್ ಲೆತೊಂದು ಪೋತಿನ ನಡಕೆ ಆ.29 ದ ಬಯ್ಯಡ್ ನಡತ್‌ದ್ಂಡ್.
ಬನ್ನೂರು ಕರ್ಮಲ ಪೊಲೀಸ್ ವಸತಿಗೃಹ ಸಾದಿದ ಬಲಮುರಿ ವಿದ್ಯಾಗಣಪತಿ ದೇವಲ್ಯೊದ ಕೈತಲ್ ಒಂಜಿ ಇಲ್ಲಲ್ ವೇಶ್ಯಾವಾಟಿಕೆ ನಡತೊಂದುಂಡು ಪನ್ಪಿನ ಸಾರ್ವಜನಿಕ ಒಯಿಲ್‌ದ ಪ್ರಕಾರ ಪೊಲೀಸೆರ್ ಬತ್ತಿತ್ತೆರ್.
ಇಲ್ಲಡ್ ಪೊಲೀಸೆರ್ ಪರಿಶೀಲನೆ ಮನ್ಪುನಗ ಒರ್ತಿ ಮೈಸೂರು ಮೂಲೊದ ಜವನ್ದಿ ಬೊಕ್ಕ ಪೊಂಜೊವು ಇತ್ತ್‌ದ್ ಅಕಲೆನ್ ಪೊಲೀಸೆರ್ ರಿಕ್ಷಾಡ್ ಸ್ಟೇಶನ್‌ಗ್ ಲೆತೊಂದು ಪೋತೆರ್. ಮೈಸೂರು ಮೂಲೊದ ಜವನ್ದಿ ತನ್ನ ಫ್ರೆಂಡ್‌ನ ಇಲ್ಲಗ್ ಬತ್ತ್‌ದೆ ಪಂದ್ ಪನೊಂದಿತ್ತಲ್ ಪಂದ್ ತೆರಿದ್ ಬೈದ್ಂಡ್.
ಇಲ್ಲಡ್ ವೇಶ್ಯಾವಾಟಿಕೆ ನಡತೊಂದುಂಡು ಪನ್ಪಿನ ಆರೋಪೊಗು ಸಂಬಂಧಿತ್‌ದ್ ಪೊಲೀಸೆರ್ ಬನ್ನಗ ಕಡೆಸ್ಸಿನತ್ತಂದೆ ಪೊಲೀಸೆರ್ ಬರ್ಪಿನ ಒಲವು ತಿಕ್ಕ್‌ದ್ ಇಲ್ಲಡಿತ್ತಿನ ಜವನೆರ್ ಕಂಪೌಂಡ್ ಲಾಗಿದ್ ಪದ್ರಾಡಾತೆರ್ ಪಂದ್ ತೆರಿದ್ ಬೈದ್ಂಡ್. ಇತ್ತೆ ಪುತ್ತೂರ್‌ದ ಮಹಿಳಾ ಸ್ಟೇಷನ್‌ದ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.