Last updated on August 22nd, 2024 at 10:24 am
ಕುಡ್ಲದ ಸಿಟಿ ಸೆಂಟರ್ ಮಾಲ್‌ಡ್ ನಡತಿನ ತುಳು ಪಿಚ್ಚರ್ ‘ಜೈ’ ದ ಟೈಟಲ್ ಲಾಂಚ್ ಲೇಸ್‌ ನಡತ್ಂಡ್. ಈ ಲೇಸ್‌ಡ್ ವಿಧಾನಸಭಾಧ್ಯಕ್ಷೆರ್ ಯು. ಟಿ. ಖಾದರ್, ಸಂಸದೆ ಬೃಜೇಶ್‌ ಚೌಟೆರ್ ಅಂಚೆನೇ ಶಾಸಕೆ ವೇದವ್ಯಾಸ ಕಾಮತೆರ್ ಮಲ್ಲ ಬಿನ್ನೆರಾದ್ ಪಾಲ್‌ಪಡೆದಿತ್ತೆರ್.
ಈ ಪೊರ್ತುಡು ಸ್ಪೀಕರ್ ಯು.ಟಿ. ಖಾದರ್ ಮೇರ್ ಪಂಡಿನ ಒಂಜಿ ಪಾತೆರದ ವಿಡಿಯೋ ಬಾರೀ ವೈರಲ್ ಆವೊಂದುಂಡು. ಸಿನಿಮಾ – ರಾಜಕೀಯ ಮಾತಾ ಒಂಜೇ ಲೆಕ, ಪಿಚ್ಚರ್‌ಡ್ ಎಂಚ ಪ್ರೊಡಕ್ಷನ್ಸ್ ಡೈರೆಕ್ಷನ್ ಉಂಡಾ ಅಂಚೆನೇ ನಮ್ಮೆಟ್ಲಾ ಉಂಡು, ನಿಕ್ಲೆನ ಪಿಚ್ಚರ್ ಎಂಕ್ಲೆನ ಪಿಚ್ಚರ್‌ಗ್ ದಾದ ವ್ಯತ್ಯಾಸ ಪಂಡ ನಿಕ್ಲೆನೆಟ್ ಹೀರೋ ಏರ್, ವಿಲನ್ ಏರ್ಂದ್ ಗೊತ್ತಾಪುಂಡು, ಎಂಕ್ಲೆನೆಟ್ ಕಡೆಮುಟ್ಟ ಗೊತ್ತಾಪುಜಿ ಪಂದ್ ಪಂಡ್‌ದ್ ಸೇರ್ದಿತ್ತಿ ಮಾತೆರೆನ್ಲಾ ತೆಲಿಪಾಯೆರ್.