Last updated on September 20th, 2024 at 07:48 am
ತಿರುಪತಿ: ತಿರುಪತಿ ದೇವಲ್ಯೊಡು ಕೊರ್ಪುನ ಲಾಡ್ ಪುರ್ಸದೊಡು ಪಂಜಿ ಬೊಕ್ಕ ಪೆತ್ತೊಲೆನ ಚರ್ಬಿ ಗಲಸೊಂದಿತ್ತೆರ್ ಪಂಡ್‌ದ್ ಲಾಬ್ ರಿಪೋರ್ಟ್‌ಡ್ ದೃಢ ಆತ್ಂಡ್ ಪಂದ್ ಆಡಳಿತರೂಢ ಟಿಡಿಪಿ ಆರೋಪ ಮಲ್ದ್ಂಡ್. ಸ್ವತಃ ಆಂಧ್ರ ಪ್ರದೇಶೊದ ಮುಖ್ಯಮಂತ್ರಿ ಆರೋಪ ಮಲ್ತಿನ ಬೆರಿಟೇ, ತಿರುಪತಿ ಲಾಡ್‌ಡ್ ಪೆತ್ತದ ಚರ್ಬಿ, ಮೀನ್ದ ಎಣ್ಣೆ ಗಲಸ್‌ದಿನ ಲ್ಯಾಬ್ ವರದಿಡ್ ದೃಢ ಆತ್ಂಡ್.
ತಿರುಪತಿ ಲಾಡ್‌ಗ್ ಗಲಸುನ ನೆಯಿಟ್ ಪಂಜಿ, ಪೆತ್ತದ ಚರ್ಬಿ, ಮೀನ್ದ ಎಣ್ಣೆ ಗಲಸ್‌ದಿನೆನ್ ಗುಜರಾತ್ ಮೂಲೊದ ಕೈಕಂಜಿಲೆನ ಪ್ರಯೋಗಾಲಯ, NDDB CALF Ltd ದೃಢ ಮಲ್ದ್ಂಡ್ ಪಂದ್ ಆಡಳಿತಾರೂಢ ತೆಲುಗು ದೇಶಂ ಪಕ್ಷ(ಟಿಡಿಪಿ) ಪಂತ್ಂಡ್.
ಕೋಡೆ ಪತ್ರಿಕಾಗೋಷ್ಠಿಡ್ ಪ್ರಯೋಗಾಲಯೊದ ವರದಿನ್ ತೋಜಾಯಿನ ಟಿಡಿಪಿ ವಕ್ತಾರೆ ಆನಂ ವೆಂಕಟರಮಣ ರೆಡ್ಡಿ, ತಿರುಪತಿದ ಲಾಡ್ ಮನ್ಪೆರೆ ಗಲಸುನ ನೆಯಿಟ್ ಮೀನ್ದ ಎಣ್ಣೆ, ಪ್ರಾಣಿಲೆನ ಚರ್ಬಿ ಇಪ್ಪುನ ಲ್ಯಾಬ್ ವರದಿಡ್ ದೃಢ ಆತ್ಂಡ್. ಅವೆಟ್ ಪಂಜಿದ ಚರ್ಬಿ, ಪೆತ್ತದ ಚರ್ಬಿ, ಪಾಮಾಯಿಲ್‌, ಸೋಯಾಬಿನ್‌, ಸೂರ್ಯಕಾಂತಿ ಎಣ್ಣೆ, ಮೆಕ್ಕೆಜೋಳ ಎಣ್ಣೆ ಮಾತಾ ಕಲತಿನ ಕಡಿಮೆ ಗುಣಮಟ್ಟೊದ ನೆಯಿ ಗಲಸೊಂದುಪ್ಪುನ ಕನ್ಫರ್ಮ್ ಆತ್ಂಡ್ ಪಂದ್ ಪಂಡೆರ್.