ಬೊಲ್ತೇರ್: ಕೋಡೆ ರಾತ್ರೆ ಆನೆಲೆನ ದಾಳಿ: ತಾರೆ, ಬಾರೆ, ಕೆಯಿ ನಾಶ

Last updated on September 8th, 2024 at 01:49 pm

ಪೆರಿಯಡ್ಕ: ಬೊಲ್ತೇರ್ ತಾಲೂಕ್‌ದ ಚಿಬಿದ್ರೆ ಗ್ರಾಮೊದ ಪೆರಿಯಡ್ಕ ಮುಟ್ಟದ ಮಾಕಳ ಪನ್ಪಿನವುಲು ಆನೆ ದಾಳಿ ಮಲ್ತ್‌ದ್ ಬುಲೆ ನಾಶ ಮಲ್ದ್ಂಡ್.

ಸನಿಯಾರ ರಾತ್ರೆ ಕಿನ್ನಿದೊಟ್ಟುಗು ದಾಳಿ ಮಲ್ದಿನ ಆನೆ, ರಾಮಣ್ಣ ಗೌಡ, ಸೋಮನಾಥ ಗೌಡ, ಲೋಕೇಶ ಗೌಡ, ಎಂ.ಟಿ.ಯತೀಶ್ ಮೊಕ್ಲೆನ ತಾರೆ, ಬಾರೆ, ಕೆಯಿನ್ ನಾಶ ಮಲ್ತ್‌ದ. ರಾಮಣ್ಣಗೌಡ್ರೆನ ಕಂಡೊಡೆ ಪೋತಿನ ಆನೆಲು ಕೆಯಿನ್ ತೊರ್ತ್‌ದ್ ತೆಟ್ಟಾದ. ಎಡ್ಡೆ ಫಲ ಕೊರೊಂದಿತ್ತಿನ 8 ತಾರೆಲೆನ್ ಅಡಿಲಕ್ಕಾದ. ತೋಟೊಡಿತ್ತಿನ ಬಾರೆಲೆನ್ಲಾ ಅಲಕ್ಕ ಅರ್ತ್‌ಪಾಡ್ದ.
ಲೋಕೇಶ್ ಗೌಡ್ರೆನ ರಡ್ಡ್ ತಾರೆಲು, ಬಾರೆ, ಸೋಮನಾಥ ಗೌಡ್ರೆನ ಬಾರೆ, ಯತೀಶೆರೆನ ಬಾರೆ ತೋಟ ಅಲಕ್ಕ ನಾಶ ಆತ.

ಒಂತೆ ದಿನೊಕು ದುಂಬೊರ ದಾಳಿ ಮಲ್ದಿತ್ತಿನ ಆನೆ, ಮತ್ರಡ್ಕ ಕೃಷ್ಣಪ್ಪ ಗೌಡ, ಮಾಕಳ ಶ್ರೀನಿವಾಸ ಗೌಡ ಮೊಕ್ಲೆನ ಬಾರೆ ತೋಟೊನು ಪೊಡಿ ಮಲ್ತಿತ್ತ.
ಈ ಭಾಗೊಡು ಆನೆ ದಾಳಿ ಎಚ್ಚಾದಿತ್ತ್‌ದ್, ಬುಲೆ ಹಾಲಾದ್ ರೈತೆರ್ ಮಂಡೆಬೆಚ್ಚಡ್ ಉಲ್ಲೆರ್. ಕಿನ್ನಿದೊಟ್ಟುಗು ಉಪ್ಪುನ ಆನೆ ಕುಡ ದಾಳಿ ಮನ್ಪುನ ಸಾಧ್ಯತೆ ಇತ್ತ್.ದ್, ಅರಣ್ಯ ಇಲಾಖೆ ಈ ಬಗೆಟ್ ಕ್ರಮ ಗೆತೊನೊಡು ಪಂಡ್‌ದ್ ರೈತೆರ್ ಬಿನ್ನೈತೊಂದೆರ್.