Last updated on September 12th, 2024 at 07:45 pm
ಬೆಂಗಳೂರು: ರಾಜಬೂಡು ಬೆಂಗಳೂರುದ ತುಳುನಾಡ ಜವನೆರ್ ತುಳು ಸಂಘಟನೆದ ಮುತಾಲಿಕೆಡ್ ಸೆಪ್ಟೆಂಬರ್ 22 ಐತಾರ ಕಾಂಡೆ 8 ಗಂಟೆರ್ದ್ ರಾತ್ರಿ 10.30 ಗಂಟೆ ಮುಟ್ಟ ಬೆಂಗಳೂರುದ ವಿಜಯನಗರ ಬಂಟರ ಸಂಘ ಸಭಾಭವನ ಬೊಕ ಬಂಟರ ಸಂಘದ ಆವರಣಡ್ ಅಷ್ಟೆಮಿ ಐಸಿರ,ಮೊಸರು ಕುಡಿಕೆ,ತುಳುನಾಡ ಸಂಸ್ಕೃತಿ ಬಿಂಬಿಸಾವುನಂಚಿನ ಬೇತೆ ಬೇತೆ ಸಾಂಸ್ಕೃತಿಕ ಉಚ್ಚಯ ನಡಪರೆ ಉಂಡು.
ಬೆಂಗಳೂರುಡು ಇತ್ತಿನ ಮಾತಾ ತುಳುವೆರೆಗ್,ತುಳು ಅಭಿಮಾನಿಲೆಗ್ ತೆರಿಪಾವೊಡು, ನಮ್ಮ ತುಳು ಬಾಸೆ ಒರಿವೊಡು,ತುಳುನಾಡುದ ಆಚಾರ-ವಿಚಾರ, ಸಂಸ್ಕೃತಿನ್ ಪೂರ ನಮ್ಮ ದುಂಬುದ ಪೊಸ ಪೀಳಿಗೆಗೆ ತೆರಿಪಾವೊಡು,ತೋಜಾವೊಡು,ಒರಿಪಾವೊಡು ಪನ್ನಿನ ಉದ್ದೇಶೊಡು ಮುದ್ದು ಬಾಲೆಕೃಷ್ಣೆ, ದೇವೆರೆನ ಭಕ್ತಿ ಸುಗಿಪು, ಅಷ್ಟೆಮಿದ ಉಚ್ಚಯ,ಚೆಂಡೆ- ನಲಿಕೆ, ಪಿಲಿ-ಏಸ, ತುಳು ಪಟ್ಟಾಂಗ, ಗೊಬ್ಬುದ ಕಲ, ಸಾರ್ಲ ಪಟ್ಟದ ಸತ್ಯ ಸ್ವಾಮಿ ಕೊರಗಜ್ಜ -ಆಟ, ಓಕುಳಿ /ಕಬತ್ ಗೊಬ್ಬು ಮೈಮೆದಪ್ಪೆ ಮಂಗಲ್ದೇವಿ ನೃತ್ಯ ವೈಭವ, ಲೋಕೊರ್ಮೆ ಪುಗರ್ತೆ ಪಡೆಯಿನ ಚಾ ಪರ್ಕ ತಂಡದ ತುಳು ಹಾಸ್ಯಮಯ ನಾಟಕ ‘ಪುದರ್ ದೀತಿಜಿ’.ಇಂಚ ಬೇತೆ ಬೇತೆ ನಮೂನೆದ ತುಳುನಾಡ ಗೊಬ್ಬುಲು, ಮಹಾಮಲ್ಲ ಬಿನ್ನೆರೆನ ಚಾವಡಿದ ಲೇಸ್, ತುಳುವ ಬಿರ್ಸೆರೆಗ್ ತಮ್ಮನ ಬಮ್ಮನ,ತುಳುನಾಡ ಕಮ್ಮೆನೆದ ವನಸ್ ತೆನಸಲು ಪುರ ನಡಪರೆಂಡು. ಅಂಚೆನೇ ಬೆಂಗಳೂರುದ ತುಳು ಸಂಘಟನೆದ /ಸಮುದಾಯ ಸಂಘಟನೆದ ಮುಖ್ಯಸ್ಥೆರ್, ಸದಸ್ಯೆರ್, ತುಳುನಾಡುದ ರಾಜಕಾರಣಿಲು, ತುಳು ನಾಟಕಸಿನಿಮಾ ತಂಡದ ಪ್ರಬುದ್ದ ಕಲಾವಿದೆರ್ ಪೂರ ಅಸ್ಟೆಮಿ ಲೇಸ್ ದ ಗೌಜಿ ಗಮ್ಮತ್ ಡ್ ಪಾಲ್ ಪಡೆಯರುಲ್ಲೆರ್.