ಬಿ.ಕೆ ಹರಿಪ್ರಸಾದ್‌ರೆರ್ದ್ ಹಿಂದೂಲೆನ ಭಾವನೆಗ್ ಬೇನೆ – ಹರೀಶ್ ಪೂಂಜಾ

Last updated on October 29th, 2024 at 12:11 pm

ಕುಡ್ಲ : ಇರೆಡ ರಾಜಕಾರಣದ ಯೋಗ್ಯತೆ ಇಜ್ಜಿ. ಓಟುಡು ಗೆಂದುನ ಅರ್ಹತೆಲಾ ಇಜ್ಜಿ. ಇಂಚ ಉಪ್ಪುನಗ ಪೇಜಾವರ ಶ್ರೀಲೆನ ಬಗೆಟ್ ನಿಂದನೆ ಮಲ್ತ್ ಹಿಂದೂಲೆನ ಭಾವನೆಗ್ ಬೇನೆ ಮಲ್ದೆರ್ ಪನ್ದ್ ಶಾಸಕ ಹರೀಶ್ ಪೂಂಜಾ ಮೇರ್ ಕಾಂಗ್ರೇಸ್ ನಾಯಕೆ ಬಿ.ಕೆ ಹರಿಪ್ರಸಾದ್ ಮೆರೆನ ಮಿತ್ತ್ ಪಿಸಿರ್ ಪಿದಯಿ ಪಾಡಿಯೆರ್.

ಕುಡ್ಲಡ್ ಸೋಮಾರ ಸುದ್ದಿಗಾರೆರೆನ ಒಟ್ಟುಗು ಪಾತೆರ್ನ ಆರ್ ಪೇಜಾವರ ಶ್ರೀನ ಬಗೆಟ್ ಕಾಂಗ್ರೇಸ್ ನಾಯಕೆ ಹರಿಪ್ರಸಾದೆರ್ ಕೊರ್ತಿನ ವಿವಾದಿತ ಹೇಳಿಕೆಗ್ ಪ್ರತಿಕ್ರಿಯೆ ಕೊರಿಯೆರ್. ಸನಾತನ ಧರ್ಮೊಡು ಗುರು ಪರಂಪರೆಗ್ ವಿಶೇಷ ಗೌರವ ಉಂಡು. ಗುರುಕುಲೆಗ್ ನೆರ್ದ್ ಹಿಂದೂಲೆನ ಭಾವನೆಗ್ ಬೇನೆ ಮಲ್ದೆರ್ ಪನ್ದ್ ಪನ್ಡೆರ್.