Last updated on October 29th, 2024 at 10:51 am
ಕಾಸ್ರೋಡ್: ಜಿಲ್ಲೆದ ನಿಲೇಶ್ವರದಲ್ಪದ ದೇಲಂತಡೆ ಒಂಜೆತ ಉಚ್ಚಯೊಡು ಪಟಾಕಿ ಪುಡದ್ 150 ರ್ದ್‌ಲಾ ಎಚ್ಚಿನ ಜನೊಕುಲೆಗ್ ಗಡಿಕುಲಾತಿನ ನಡಕೆ ನಡತ್‌ದ್ಂಡ್.
ಪೆಟ್ಟಾತಿನಕ್ಲೆಡ್ ಎಣ್ಮ ಜನಕ್ ಗಾತಿದ ಗಡಿಕುಲಾತ ಪಂದ್ ಪೊಲೀಸೆರ್ ತೆರಿಪಾದೆರ್. ಒಲವುದ ಪ್ರಕಾರ ವೀರರ್ಕಾವು ದೇಲಂತಡೆತ ಬರಿತ ಪಟಾಕಿ ಸಂಗ್ರಹಾಗಾರೊಗು ಸೂ ಬೂರ್ದ್ ಈ ನಡಕೆ ನಡತ್‌ದಿಪ್ಪೊಡು ಪಂದ್ ಪೊಲೀಸೆರ್ ಅಂದಾಜಿ ಪಾಡ್ದೆರ್.
ಪಟಾಕಿ ಪುಡಯಿನೇ ಪೆಟ್ಟಾತಿನಕಲೆನ್ ಕಾಸ್ರೋಡ್, ಕಣ್ಣೂರು ಬೊಕ್ಕ ಕುಡ್ಲದ ಆಸ್ಪತ್ರೆಲೆಗ್ ಲೆತೊಂದು ಪೋತೆರ್. ಜಿಲ್ಲಾಧಿಕಾರಿ ಬೊಕ್ಕ ಜಿಲ್ಲಾ ಪೊಲೀಸ್ ಮುಖ್ಯಸ್ಥೆರ್ ಸೇರ್ದ್ ಜಿಲ್ಲಾಡಳಿತೊದ ಉನ್ನತ ಅಧಿಕಾರಿಲು ಜಾಗೆಗ್ ಬತ್ತ್‌ದ್, ಸಂತ್ರಸ್ತೆರೆಗ್ ರಕ್ಷಣೆ, ಪರಿಹಾರ ಕೊರ್ಯೆರ ಅಪಗನೇ ಕ್ರಮ ಗೆತೊಂದೆರ್.