ಮಣಿಪಾಲ: ಕಾಂಡೆ ಕಾಂಡೆನೇ ಕಾರ್ ಎಡ್ತೆ

Last updated on October 27th, 2024 at 12:48 pm

ಮಣಿಪಾಲ: ಈಶ್ವರನಗರೊದ ನಗರಸಭೆ ರೇಚಕದಲ್ಪ ಪರ ರೋಡ್‌ಡ್ ಕಾರ್ ಒಂಜಿ ಅಂಕೆ ತತ್ತ್‌ದ್ ಬರಿತ ಮೋರಿಗ್ ಬೂರ್ದಿನ ನಡಕೆ ಐತಾರ (ಅ.27) ಕಾಂಡೆ ನಡತ್‌ದ್ಂಡ್.

ಕಾರ್‌ಡಿತ್ತಿನಕುಲು ಒಡಿಪುರ್ದ್ ಕುದುರೆಮುಖಕ್ ಪ್ರವಾಸೊಗು ಪೋವೊಂದಿತ್ತೆರ್ ಪಂದ್ ತೆರಿದ್ ಬೈದ್ಂಡ್. ಕಾರ್ ಞಕ್ಕೆ ಆತ್ಂಡ್ ಆಂಡ ಗಾಡಿಡಿತ್ತಿನಕಲು ಪಡಾಯಿದಾಂತೆ ಬಚಾವಾತೆರ್.

ಮುಲ್ಪದ ರಾಷ್ಟ್ರೀಯ ಪೆರ್ಸಾದಿಡ್ ಅವೈಜ್ಞಾನಿಕವಾದ್ ಅಡ್ಡೊಗು ರೋಡ್ ಗರಿತ್‌ದಿತ್ತ್‌ದ್ ಕುಡ ಗುಂಡಿ ಗುರುಂಪು ಬೂರ್ದ್ಂಡ್, ರೋಡ್‌ದ ಅಂಚಿಂಚಿ ಗುರಿ ಇಪ್ಪುನೆರ್ದಾವರ ಗಾಡಿ ಬುಡ್ಪುನಕುಲೆಗ್ ಅಂಚಿಂಚಿ ಪೋದು ಅಂಕೆ ತತ್ತ್‌ದ್ ದಾದಾಂಡಲಾ ಒಂಜಿ ಎಚ್ಚಿಕಮ್ಮಿ ದಿನೊಲಾ ಆವೊಂದುಪ್ಪುಂಡು. ಜಿಲ್ಲಾಡಳಿತ ಬೋಡಾಪಿನ ಕ್ರಮ ಗೆತೊನೊಡು ಪಂದೊ ಮುಲ್ಪದಕುಲು ಒತ್ತಾಯ ಮಲ್ತ್‌ದೆರ್.