ಬೆಂಗಳೂರು ಕಂಬುಲದ ವಿರುದ್ದ ಪಿಐಎಲ್ : ಇನಿ ಹೈಕೋರ್ಟುಡು ವಿಚಾರಣೆ.

Last updated on October 23rd, 2024 at 07:46 am

— ಪ್ರಾಣಿಹಿಂಸೆ ನಿಷೇಧ ಕಾಯ್ದೆದ ಪ್ರಕಾರ ಕಂಬುಲೊನು ತುಳುನಾಡ್‌ದ ಗ್ರಾಮೀಣ ಭಾಗೊಲೆಡ್ ಮಾತ್ರ ಮಲ್ಪೊಡು ಇತ್ತೆ ಉಂದೆನ್ ಬ್ಯುಸಿನೆಸ್ ಮಲ್ತೊಂದುಲ್ಲೆರ್ ಪನ್ಪಿನ ವಾದ

ಬೆಂಗಳೂರುದ ಅರಮನೆ ಮೈದಾನೊಡು ಕಂಬುಲ ಮಲ್ಪರೆ ಅನುಮತಿ ಕೊರ್ರೆ ಬಲ್ಲಿ ಪನ್ದ್ ಪ್ರಾಣಿದಯಾ ಸಂಘ ಪೆಟಾ ಕೊರ್ತಿನ ಸಾರ್ವಜನಿಕ ಹಿತಾಸಕ್ತಿದ ಅರ್ಜಿದ ವಿಚಾರಣೆ ಇನಿ ಮದ್ಯಾಹ್ನ 2-30ಗು ಹೈಕೋರ್ಟುಡು ನಡಪರೆ ಉಂಡು.

ಪೆಟಾನ್ ಪ್ರತಿನಿಧಿ ಮಲ್ತಿನ ಪೆರಿಯ ವಕೀಲೆ ಧ್ಯಾನ್ ಚಿನ್ನಪ್ಪ ಮೇರ್ ತುಳುನಾಡ್ ದ ಗ್ರಾಮೀಣ ಭಾಗೊಲೆಡ್ ಮಾತ್ರ ಕಂಬುಲ ಮಲ್ಪುನ ಅವಕಾಶ ಉಂಡು. ಆಂಡ ಕರಿನ ವರ್ಸೊರ್ದು ಅವೆನ್ ಬೆಂಗಳೂರು ಇತ್ತೆ ಶಿವಮೊಗ್ಗಡ್ಲಾ ಮಲ್ಪುನ ಬಗೆಟ್ ಕಂಬುಲ ಸಮಿತಿ ನಿರ್ಧಾರ ಮಲ್ದ್ಂಡ್. ಉಂದೆಕಾದ್ 300 ಎರುಕುಲೆನ್ 300 ಕಿಮೀ ಅಕರದ ತುಳುನಾಡ್ ರ್ದ್ ತರ್ಪಾವೆರ್. ಉಂದೆಕ್ ನಿರ್ಬಂಧ ಕೊರೊಡು ಪನ್ದ್ ಕೇನ್ಡೆರ್.

ಪ್ರಾಣಿಹಿಂಸಾ ನಿಷೇಧ ಕಾಯ್ದೆಗ್ ತಿದ್ದುಪಡಿ ಕನತ್ ತಮಿಳುನಾಡ್ ದ ಜಲ್ಲಿಕಟ್ಟ್ ಬೊಕ್ಕ ತುಳುನಾಡ್ ದ ಕಂಬುಲೊನು ಸಾಂಪ್ರದಾಯಿಕವಾದ್ ಮಲ್ಪರೆ ಅವಕಾಶ ಕೊರ್ತುಂಡು. ಆಂಡ ಉಂದೆನ್ ಇತ್ತೆ ಬ್ಯುಸಿನೆಸ್ ಮಲ್ತೊಂದೆರ್. ನ್ಯಾಯಂತಡೆ ನಿರ್ಧಾರ ಮಲ್ಪುನಮುಟ್ಟ ಕಂಬುಲದ ಎರುಕುಲೆನ್ ಬೆಂಗಳೂರುಗು ಟ್ರಕ್ ಡ್ ಕನವರೆ ಬುಡರೆ ಬಲ್ಲಿ ಪನ್ದ್ ಕಂಬುಲ ಆಯೋಜನಾ ಸಮಿತಿಗ್ ಆದೇಶ ಮಲ್ಪೊಡು ಪನ್ದ್ ಆರ್ ಪನ್ಡೆರ್. ಇನಿ ಉಂದೆತ ವಿಚಾರಣೆ ಉಂಡು. ಅಡ್ವೊಕೇಟ್ ಜನರಲ್ ಶಶಿಧರ್ ಶೆಟ್ಟಿ ಮೇರ್ ಸರಕಾರದ ಸೂಚನೆ ದೆತೊನ್ದು ತನ್ನ ವಾದೊನು ಮಂಡನೆ ಮಲ್ಪರೆ ಉಲ್ಲೆರ್.