Last updated on October 29th, 2024 at 02:01 pm
ಉಬಾರ್: ಕಾಂಡೆದ ಪೊರ್ತು ಉಬಾರ್‌ರ್ದೊ ಪುತ್ತೂರ್‌ಗ್ ಪೋಯೆರ ಬಸ್ದ ಕುಂದೆಲ್ ಇತ್ತ್‌ದ್, ವಿದ್ಯಾರ್ಥಿಲು ಎಚ್ಚಿನ ಸಮಸ್ಯೆ ಅನುಭವಿಪುನ ಲೆಕ ಆತ್ಂಡ್. ಅಂಚಾದ್ ಈ ಪೊರ್ತುಡು ಪುತ್ತೂರ್‌ಗ್ ಎಚ್ಚಿಗೆದ ಬಸ್ದ ವ್ಯವಸ್ಥೆ ಮನ್ಪೊಡೂಂದು ಪುತ್ತೂರು ಸೈಂಟ್ ಫಿಲೋಮಿನಾ ಕಾಲೇಜ್ ವಿದ್ಯಾರ್ಥಿಲು ಶಾಸಕೆ ಅಶೋಕ್ ಕುಮಾರ್ ರೈ ಕ್ಲೆಡ ಬಿನ್ನೈತೊಂಡೆರ್.
ಕಾಂಡೆ 8 ಗಂಟೆಗ್ ವಿದ್ಯಾರ್ಥಿಲು ಅಂಚೆನೇ ಬೇಲೆಗ್ ಪೋಪಿನಕುಲು ಒಂಜೇ ಪೊರ್ತುಡು ಪುತ್ತೂರ್‌ಗ್ ಪೋಪಿನೆರ್ದಾವರ ಈ ಪೊರ್ತುಡು ಅಕುಲೇ ದಿಂಜಿದ್ ತಮೆಲೊಂದುಪ್ಪೆರ್, ಬಸ್ಸ್‌ಡ್ ದಿನೋಲ ಜನ ದಿಂಜಿದ್ ನೂಕೊಂದು ನೇಲೊಂದು ಪೋಪಿನ ಪರಿಸ್ಥಿತಿ. ಪಾಕ ವಿದ್ಯಾರ್ಥಿಲು ಬಸ್ಸ್‌ದುಲಯಿ ಜನ ದಿಂಜಿದಿಪ್ಪುನೆರ್ದಾವರ ಬಸ್ ಬರ್ತೆರಾವಂದೆ ಪೊರ್ತುಗು ತಕ್ಕ ಶಾಲೆ-ಕಾಲೇಜಿಗ್ ಎತ್ತೆರೆ ಆವೊಂದಿಜ್ಜಿ. ಅಂಚಾದ್ ಈ ಪೊರ್ತುಡು ಉಬಾರ್‌ರ್ದ್ ಪುತ್ತೂರುಗ್ ಪೋಯೆರ ಎಚ್ಚಿನ ಕೆಎಸ್ಸಾರ್ಟಿಸಿ ಬಸ್‌ಲೆನ ಸೌಲಭ್ಯ ಕೊರ್ಪಾವೊಡು ಪಂದೊ ವಿದ್ಯಾರ್ಥಿಲು ಬಿನ್ನಪುಡು ಆಗ್ರಹಿಸಿತ್‌ದೆರ್.
ಮನವಿ ಕೊರ್ತಿನ ನಿಯೋಗೊಡು ವಿದ್ಯಾರ್ಥಿಲಾಯಿನ ಫಾರಿಶ್ ಬಸ್ತಿಕ್ಕಾರ್, ಮುನೀಶ್, ಫಿದಾ, ಅಕ್ಷಯ, ರಾಹುಲ್, ಜಾನ್, ಧನುಶ್ರೀ, ಸಮೀರ್, ವಿಸ್ತನ್, ರಾಘವ್ ಇತ್ತೆರ್.