Last updated on October 31st, 2024 at 02:50 pm
ಸುಳ್ಯ: ಮೋಕೆಗ್ ಪೊಣ್ಣನ ಒಪ್ಪಿಗೆ ಇತ್ತ್ಂಡಲಾ, ಆಲೆನ ಇಲ್ಲದಕುಲು ವಿರೋಧ ಮಲ್ತೊಂದುಲ್ಲೆರ್, ಜೀವ ಬೆದರಿಕೆ ಪಾಡ್ದೆರ್ ಪಂಡ್‌ದ್ ಜವನೆ ಒರಿ ಪೊಲೀಸ್ ಸ್ಟೇಶನ್‌ಗ್ ಒಯಿಲ್ ಬರೆಪಾಯೆರ ಪೋತಿನ ನಡಕೆ ಸುಳ್ಯಡ್ ನಡತ್‌ದ್ಂಡ್.
ಅಜ್ಜಾವರ ಗ್ರಾಮೊದ 22 ವರ್ಸ ಪ್ರಾಯೊದ ಪೊಣ್ಣು ಬೊಕ್ಕ ಪುತ್ತೂರು ಕೊಳ್ತಿಗೆದ ಕೊರ್ಮ್ಬಡ್ಕ ಚಂದ್ರಶೇಖರೆ(28) ಒರಿಯನೊರಿ ಮೋಕೆ ಮಲ್ತೊಂದಿತ್ತ್‌ದ್, ಉಂದೆಕ್ ಪೊಣ್ಣನ ಇಲ್ಲದಕುಲು ಅಡ್ಡ ಬರೊಂದುಲ್ಲೆರ್ ಪಂದ್ ಪಂತೆರ್.
ಜವನೆ ಬೊಕ್ಕ ಇಲ್ಲದಕುಲು ಪೊಣ್ಣನ್ ಮದಿಮೆ ಮಲ್ತ್ ಕೊರ್ಲೆ ಪಂದ್ ಕೇನೆರ ಪೋದಿಪ್ಪುನಗ ಪೊಣ್ಣನ ಅಮ್ಮೆರ್ ಪೊಣ್ಣಗ್ ನೋತುದ್ ಆಣಗ್ ಜೀವ ಬೆದರಿಕೆ ಪಾಡ್ದೆರ್ ಪಂದ್ ಒಯಿಲ್‌ಡ್ ಬರೆತೆರ್.