Last updated on November 11th, 2024 at 12:58 pm
ಕರಿನ ತಿಂಗೊಲು ಮುಲ್ಕಿಡ್ ಒಂಜಿ ಇಲ್ಲದ ಅಟಿಲ್ದ ಕೋನೆಗ್ ಪೊಗ್ಗುದಿತ್ತಿನ ಚಿಟ್ಟೆಪಿಲಿನ್ ಅರಣ್ಯ ಇಲಾಖೆದಕುಲು ಪತ್ತುದೆರ್. ಅವ್ ಒಂಜಿ ಚಿಟ್ಟೆಪಿಲಿ ಮಾತ್ರ ಅತ್ತ್ ಅವೆಕುಲೆನ ಒಂಜಿ ಕೂಪೆನೇ ಉಂಡು ಪನ್ದ್ ಪಾಕ ಜನ ಪನೊಂದಿತ್ತಿನ ಇತ್ತೆ ನಿಜ ಆತ್ಂಡ್.
ಕೋಡೆ ರಾತ್ರೆಗ್ ಕಕ್ವ-ಕೊಲಕಾಡಿದ ಉಪ್ಪಿಕಲದಲ್ಪ ಟ್ರಾಕ್ಟರ್ ಕನೊಂದಿತ್ತಿನ ಸ್ಥಳೀಯೆರೆಗ್ ಒರಿಯಗ್ ಬೈಲ್ ದಲ್ಪ ಚಿಟ್ಟೆಪಿಲಿ ಎದುರಾತ್ಂಡ್. ಟ್ರಾಕ್ಟರ್ ದ ಬೊಲ್ಪುಗು ಪಿಸಿರ್ದ್ ಬಾಯಂಗಾದ್ ಉಂತಿನ ಚಿಟ್ಟೆಪಿಲಿ ಬೊಕ್ಕ ತಾರೆದ ತೋಟದಂಚಿ ಪೋತುಂಡು ಪನ್ದ್ ತೆರಿದ್ ಬೈದ್ಂಡ್.
ಈ ಬಗೆಟ್ ಸ್ಥಳೀಯೆರ್ ಅರಣ್ಯ ಇಲಾಖೆದಕಲೆಗ್ ತೆರಿಪಾದೆರ್. ಕಿನ್ನಿಗೋಳಿ ಎಳತ್ತೂರು, ಕೊಲ್ಲೂರು ಪದವು ಜಾಗೊಡ್ಲಾ ಇಂಚೊಗು ಚಿಟ್ಟೆಪಿಲಿನ್ ಜನಕುಲು ತೂತೆರ್.