Last updated on November 7th, 2024 at 07:05 am
ಬಂಟ್ವಾಳ: ಉಂತಾದಿತ್ತಿನ ಮಿನಿ ಗೂಡ್ಸ್‌ ಟೆಂಪೋ ಒಂಜಿ ಒರರ್ದ್ ಒರಾನೆ ಪಿರವು ಬತ್ತ್‌ದ್, ಆ ಪೊರ್ತುಡು ಅಲ್ಪನೇ ಗೊಬ್ಬೊಂದಿತ್ತಿನ ಮೂಜಿ ವರ್ಸ ಪ್ರಾಯೊದ ಬಾಲೆ ಟೆಂಪೋದ ಟಯರ್‌ದಡಿಕ್ ತಿಕ್ಕ್‌ದ್ ತೀರ್ದಿನ ನಡಕೆ ಬುದಾರ ಬಂಟ್ವಾಳದ ಲೊರೆಟ್ಟೋಪದವುಡು ನಡತ್‌ದ್ಂಡ್.
ಫರಂಗಿಪೇಟೆ ಮುಟ್ಟದ ಪತ್ತನಬೈಲು ನಿವಾಸಿ ಉನೈಸ್‌ ಮೆರೆನ ಮಗಲ್ ಆಶೀಕಾ ತೀರ್ದಿನ ಬಾಲೆ. ಉನೈಸ್‌‌ರೆನ ಬೊಡೆದಿನ ಅಪ್ಪೆನ ಇಲ್ಲ್ ಲೊರೆಟ್ಟೋಪದವುಡು ಇತ್ತ್‌ದ್, ಇಲ್ಲದ ಪಿದಯಿ ಬಾಲೆ ಗೊಬ್ಬೊಂದಿತ್ತ್ಂಡ್. ಈ ಪೊರ್ತುಡು ಜಾಲ್‌ಡ್ ಉಂತಾದಿತ್ತಿನ ಬಾಲೆದಪ್ಪೆನ ಪಲಯನ ಟೆಂಪೋ ಒರರ್ದ್ ಒರಾನೆ ಪಿರವು ಬತ್ತ್‌ದ್ಂಡ್.
ನಡಕೆಡ್ ಗಾತಿದ ಪೆಟ್ಟಾತಿನ ಬಾಲೆನ್ ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ದಾಲಾ ಪ್ರೇಜನ ಆತಿಜಿ. ನಡಕೆದ ಬಗೆಟ್ ಬಂಟ್ವಾಳ ಟ್ರಾಫಿಕ್ ಪೊಲೀಸ್‌ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.