Last updated on November 9th, 2024 at 03:49 pm
ಎತ್ತಿನಹೊಳೆ ಕನಿತ ಬೇಲೆ ನಡತೊಂದಿಪ್ಪುನಗ ಅಲ್ಪ ಗರ್ದಿನ ಗುಂಡಿಗ್ ಬೂರ್ದು ರಡ್ಡ್ ಜೋಕುಲು ತೀರ್ದೆರ್. ತಿಪಟೂರುದ ಹುಚ್ಚನಹಟ್ಟಿ ಗ್ರಾಮದ ಯದುವೀರ್(8) ಬೊಕ್ಕ ಮನೋಹರ್(10) ತೀರಿನ ಜೋಕುಲು.
ಹುಚ್ಚನಹಟ್ಟಿ ಗ್ರಾನದ ಕೈತಲ್ ಎತ್ತಿನಹೊಳೆತ ಬೇಲೆ ನಡತೊಂದಿತ್ತ್ಂಡ್. ಆ ಜಾಗೆಡ್ ಒವ್ವೇ ಸುರಕ್ಷತಾ ಕ್ರಮ ಇತ್ತಿಜಿ. ಜಾಗೆಗ್ ಪೋತಿನ ಜೋಕುಲು ಅಲ್ಪ ಆಕಸ್ಮಿಕವಾದ್ ಬೂರ್ದು ತೀರಿಯೆರ್.
ಗುರುವಾರ ಬಯ್ಯಗ್ ಶಾಲೆ ಬುಡ್ದ್ ಇಲ್ಲಗ್ ಬೈದಿತ್ತಿನ ಜೋಕುಲು ಬೊಕ್ಕ ಪಿದಯಿ ಗೊಬ್ಬರೆ ಪೋದಿತ್ತೆರ್. ಬಯ್ಯ ಆಂಡಲಾ ಬರಂದಿನ ತೂದು ಇಲ್ಲದಕುಲು ಪೋಡಿದ್ ತಿಪಟೂರು ಗ್ರಾಮಾಂತಕ ಪೋಲೀಸೆರೆಗ್ ಒಯಿಲ್ ಕೊರ್ತೆರ್. ಶುಕ್ರಾರ ಕಾಂಡೆ ಇರ್ವೆರ್ನ ಪುನ ತಿಕ್ಕ್ಂಡ್.