Last updated on December 17th, 2024 at 04:22 pm
ತುಳುನು ಕರ್ನಾಟಕದ ಹೆಚ್ಚುವರಿ ಬಾಸೆ ಪನ್ದ್ ಮಲ್ಪೊಡು ಪನ್ದ್ ಬೆರಿ ಬರೊಂದುಪ್ಪುನ ಪುತ್ತೂರುದ ಶಾಸಕೆರ್ ಕುಡ ಕೋಡೆ ರಾತ್ರೆ 12 ಗಂಟೆಗ್ ಸದನೊಡು ಈ ಪ್ರಶ್ನೆ ಕೇನ್ಡೆರ್.
ಕರಿನ ಮೂಜಿ ಅಧಿವೇಶನೊರ್ದಿಂಚಿ ಯಾಪಲಾ ಯಾನ್ ಕೇನೊಂದುಲ್ಲೆ, ಮೂಜಿ ಸಾರ ವರ್ಸ ಪರತಿರಿ ಉಪ್ಪುನ ಸ್ವತಂತ್ರ ಲಿಪಿ ಉಪ್ಪುನ ಬಾಸೆ ತುಳು. ಉಂದೆನ್ ಕರ್ನಾಟಕದ ಹೆಚ್ಚುವರಿ ಬಾಸೆ ಪನ್ದ್ ಮಲ್ಪೊಡುಂದು ಪುನೆಪು ಬರೊಂದುಲ್ಲ. ಉಂದೆಕಾದ್ ನಲ್ಲ ವರದಿ ಮಲ್ದ್ಂಡ್, ಅಂಚೆನೆ ಬೇತೆ ರಾಜ್ಯೊಲೆಡ್ ಎಂಚ ಮಾನಾದಿಗೆ ಕೊರ್ತೆರ್ ಪನ್ಪಿನ ವರದಿಲಾ ಬೈದ್ಂಡ್, ಆಂಡಲಾ ನನಲ ಅಧಿಕೃತ ಆತಿಜಿ. ಕರಿನ ಸಲ ಸಚಿವೆರ್ ಆಜಿ ತಿಂಗೊಲುದ ಗಡು ಕೊರ್ದಿತ್ತೆರ್ ಇತ್ತೆ ಕುಡ ಕೇನುಲೆಕ್ಕ ಆತ್ಂಡ್. ಮುಖ್ಯಮಂತ್ರಿಲು ಮನಸ್ ಮಲ್ತ್ಂಡ ತುಳುನಾಡ್ದ ಶಾಸಕೆರೆನ್ ಮಾತಾ ಸೇರ್ಪಾದ್ ಒಂಜಿ ಮೀಟಿಂಗ್ ಮಲ್ತ್ ಉಂದೆನ್ ಕೊಡಿ ಎತ್ತಾವೊಲಿ ಪನ್ದ್ ಅಶೋಕ್ ರೈಕುಲು ಪನ್ಡೆರ್.
ಸ್ಪೀಕರ್ ಯು.ಟಿ ಖಾದರ್ ದ ಈರ್ಲಾ ತುಳು ತೆರಿದಿನಾರ್, ಪ್ರತೀ ಸದನದ ಅದಿವೇಶನೊಡ್ಲಾ ಕೇನುನವೆನೇ ಕೇನುಲೆಕ್ಕ ಆತ್ಂಡ್. ಉಂದೆಕ್ ನಿರ್ದೇಶನ ಕೊರೊಡು ಪನ್ದ್ ಪನ್ಡೆರ್.