Last updated on December 9th, 2024 at 09:24 am
ಮಣಿಪಾಲ: ಟೈರ್ ಪಂಚರ್ ಆದ್ ಸಾದಿ ಬರಿಟ್ ಉಂತುದಿತ್ತಿನ ಲಾರಿಗ್ ಬೈಕ್ ಪಿರವುರ್ದ್ ಎಡ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ತೀರ್ದಿನ ನಡಕೆ ಪರ್ಕಳ ಎಸ್‌ಬಿಐ ಬ್ಯಾಂಕ್‌ದ ಎದುರು ರಾಷ್ಟ್ರೀಯ ಪೆರ್ಸಾದಿ 169 ಎ ಡ್ ನಡತ್‌ದ್ಂಡ್.
ತೀರ್ದಿನಾರೆನ್ ಪರ್ಕಳದ ಶೆಟ್ಟಿಬೊಟ್ಟುದ ದೇವು ಪೂಜಾರಿ ಪನ್ಪಿನಾರೆನ ಮಗೆ ಸೃಜನ್ ಸಾಗರ್(22) ಪನ್ದ್ ಗುರ್ತ ಪತ್ತ್‌ದೆರ್. ಟಯರ್ ಪಂಚರ್ ಆತಿನೆರ್ದಾವರ ಲಾರಿನ್ ಡ್ರೈವರ್ ಸಾದಿ ಬರಿಟ್ ಉಂತಾದಿತ್ತೆರ್. ಈ ಪೊರ್ತುಡು ಬೈಕ್‌ಡ್ ಬತ್ತಿನ ಸೃಜನ್, ಲಾರಿದ ಪಿರವುಗು ಎಡ್ತ್‌ದೆರ್ ಪನ್ದ್ ತೆರಿದ್ಂಡ್. ಅ್ಂದೆರ್ದಾವರ ಗಾತಿದ ಗಡಿಕುಲಾತಿನ ಮೇರ್ ಮಣಿಪಾಲ ಆಸ್ಪತ್ರೆಡ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಈ ಬಗೆಟ್ ಮಣಿಪಾಲ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.