Last updated on December 24th, 2024 at 02:50 pm
ಬಂಟ್ವಾಳ: ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಆಯಿನ ಕುಡ್ಲಡ್ ಕಾರ್ಯಾಚರಣೆ ಮಲ್ತೊಂದಿತ್ತಿನ ಜಿಲ್ಲಾ ಪೊಲೀಸ್‌ ಸೀಮೆದ ಸೆನ್‌ (ಸೈಬರ್‌, ಎಕನಾಮಿಕ್‌ ಆ್ಯಂಡ್‌ ನಾರ್ಕೋಟಿಕ್ಸ್‌) ಪೊಲೀಸ್‌ ಸ್ಟೇಶನ್ ಬೇಗೊಡೇ ಬಂಟ್ವಾಳಗ್ ಸ್ಥಳಾಂತರ ಆವರೆ ಉಂಡು. ಉಂದೆರ್ದಾವರ ಜಿಲ್ಲೆದ ಗ್ರಾಮಾಂತರ ಭಾಗೊದ ಜನೊಕ್ಲೆಗ್ ಇಂಚಿನ ಪ್ರಕರಣೊಲೆನ ಬಗೆಟ್ ಒಯಿಲ್ ಕೊರ್ಯೆರ ಅನುಕೂಲ ಆಪುಂಡು. ಸ್ಟೆಷನ್‌ಗ್ ಬ್ರಿಟಿಷೆರೆ ಕಾಲೊದ ಕರ್ಪಿಲ್ಲ್ ಆದಿತ್ತಿನ ಬಂಟ್ವಾಳ ನಗರ ಪೊಲೀಸ್‌ ಸ್ಟೇಷನ್‌ದ ಪರ ಕಟ್ವಾನೊನು ಕುಡ್ಲ ನಿರ್ಮಿತಿ ಕೇಂದ್ರೊದ ಮುಕೇನ ರಿನೋವೇಟ್ ಮನ್ಪುನ ಬೇಲೆ ಬರಸ್‌ಡ್ ನಡತ್ಂದುಂಡು.
ಇತ್ತೆ ಸೈಬರ್‌ ದಗೆತ ಪ್ರಕರಣೊಲು ಎಚ್ಚಾವೊಂದಿತ್ತ್‌ದ್, ಜಿಲ್ಲೆದ ಗ್ರಾಮೀಣ ತಾಲೂಕ್‌ಲೆನ ಜನೊಕುಲು ಒಯಿಲ್ ಬರೆಪಾಯೆರ ಕುಡ್ಲಗೇ ಪೋವೊಡು ಪನ್ಪಿನೆರ್ದಾವರ ಎಲ್ಯ ಪ್ರಕರಣೊಲು ಆಂಡ ಒಯಿಲ್ ಬರೆಪಾಯೆರಗೇ ಪೋಪುಜೆರ್. ಆಂಡ ನನ ಸ್ಟೇಶನ್ ಮುಟ್ಟಡುಂಡು ಪನ್ದ್ ಎಚ್ಚಿನ ಜನ ಇಂಚಿನ ಪ್ರಕರಣೊಲೆಗ್ ಸಂಬಂಧಿತ್‌ದ್ ದೂರು ಕೊರ್ಪಿವ ಸಾಧ್ಯತೆ ಎಚ್ಚ ಆವು.