Last updated on December 28th, 2024 at 10:59 am
ದೈವ ಒಲಸರಿ ಜಪ್ಪುನ ಕಂಡೊಡು ಕಜವುದ ರಾಸಿ ತೂದು ಪಿಸಿರಾಯಿನ ದೈವ ಈ ಕಜವುಲೆನ್ ದೆಪ್ಪಂದೆ ಒಲಸರಿ ಜಪ್ಪುಜಿ ಪನ್ದ್ ಪನ್ತಿನ ನಡಕೆ ಕುಡ್ಲದ ಕನೀರ್‌ತೋಟಡ್ ನಡದ್ಂಡ್.
ತೊಕ್ಕೊಟ್ಟು ಕುಂಪಲದ ಕನೀರ್‌ತೋಟಡ್ ಮಲಯಾಲ ಚಾಮುಂಡಿ ದೈವದ ಕಟ್ಟೆ ಜಾತ್ರೆ ಬುದಾರ ನಡದಿತ್ತ್ಂಡ್. ರಾತ್ರೆ ವೈದ್ಯನಾಥ ದೈವದ ನೇಮ ಅಂಚೆನೆ ಒಲಸರಿ ಜಾತ್ರೆ ಇತ್ತ್ಂಡ್. ನೇಮ ಸುರು ಆದ್ ಅಣಿ ಕಟ್ಟ್ ದ್ ನನ ದಾನೆ ಒಲಸರಿ ಕಂಡೊಗು ಜಪ್ಪೊಡು ಪನ್ನಗ ದೈವ ಆಡಳಿತ ಮಂಡಳಿದಕಲೆನ ಮಿತ್ತ್ ಪಿಸಿರಾದ್ ದಡಿ ಪಾಡಿನ ನಡಕೆ ನಡದ್ಂಡ್.
ವಲಸರಿ ಕಂಡೊಡು ಇತ್ತಿನ ಕಜವುಲೆನ ರಾಶಿ ತೂಯಿನ ದೈವ ಉಂದು ದಾದ ವಲಸರಿ ಕಂಡನೋ ಅತ್ತ್ ಸಂತೆದ ಕಂಡನಾ? ಈ ಮಡೆನ್ ದೊಂಕೊಂದು ಯಾನ್ ವಲಸರಿ ಪೋವೊಡಾ? ಈ ಕಜವುಲೆನ್ ದೆಪ್ಪಂದೆ ದೀಪದ ದಲಿಟ್ ಉಪ್ಪುನ ಸಂತೆಲೆನ್ ದೆಪ್ಪಂದೆ ಯಾನ್ ವಲಸರಿ ಜಪ್ಪುಜಿ ಪನ್ಡೆರ್. ಕಾರ್ಯಕರ್ತೆರ್ ತಾಪುರ್ತೋಪು ಕಜವುಲೆನ್ ದೆತ್ತ್ ನಿರ್ಮಲ ಮಲ್ತ್ ದೀಪದ ದಲಿತಲ್ಪ ಇತ್ತಿನ ಸಂತೆದ ಅಂಗಡಿಲೆನ್ ಪಿರ ದೆಪ್ಪಾಯಿನೇ ದೈವ ಒಲಸರಿ ಜತ್ತ್ಂಡ್.