Last updated on January 21st, 2025 at 12:13 pm
ತರೀಕೆರೆ: ಮದಿಮೆದ ದುಂಬುನಾನಿ ಎಡ್ತೆಡ್ ಅಮ್ಮೆ ತೀರ್ದಿನ ವಿಷಯೊನು ದೆಂಗಾದ್ ಮಗಲೆನ ಮದಿಮೆದ ಕಾರ್ಯನು ಸಂಬಂಧಿಕೆರ್ ಮಲ್ದಿನ ನಡಕೆ ಎಲ್ಯಮಗಲ್ನೂರ್‌ಡ್(ಚಿಕ್ಕಮಗಳೂರು) ನಡತ್‌ದ್ಂಡ್.
ತರೀಕೆರೆ ಪೇಂಟೆದ ನಾಗಪ್ಪ ಕಾಲೊನಿದ ನಿವಾಸಿ ಗೋಣಿಚೀರಾವುದ ವ್ಯಾಪಾರಿ ಪಾಪಣ್ಣ ಮೆರೆನ ಮಗೆ ಚಂದ್ರು(45) ತೀರ್ದಿನಾರ್.
ಚಂದ್ರು ಮೆರೆನ ಮಗಲ್ ದೀಕ್ಷಾ ನ ಮದಿಮೆ ಬೀರೂರ್‌ದ ಪತ್ರೆ ಕಲ್ಯಾಣ ಮಂಟಮೆಡ್ ಐತಾರ ಬೊಕ್ಕ ಸೋಮಾರಗ್ ಗೊತ್ತಾದಿತ್ತ್ಂಡ್. ಲಿಂಗದಹಳ್ಳಿ ಮುಟ್ಟದ ಹುಲಿತಿಮ್ಮಾಪುರ ಗ್ರಾಮೊಡು ಬಿನ್ನೆರೆಗ್ ಸನಿಯಾರನೇ ಕಾಕಜಿ ಕೊರ್ದು ಬತ್ತಿತ್ತೆರ್. ಮದತ್ ಪೋದಿತ್ತಿನ ಒಂಜಿ ಇಲ್ಲಗ್ ಲೆಪ್ಪು ಕೊರ್ಯೆರ ಐತಾರ ಕಾಂಡೆನೇ ಚಂದ್ರು ಬೈಕ್‌‌ಡ್ ಪಿರ ಪೋದಿತ್ತೆರ್. ಕಾಕಜಿ ಕೊರ್ದು ಬನ್ನಗ ಬೈಕೊ ಮರಕ್ ಎಡ್ತ್‌ದ್ಂಡ್. ಅಲ್ಪದಕುಲು ಅಪಗನೇ ಆರೆನ್ ಶಿವಮೊಗ್ಗದ ಖಾಸಗಿ ಆಸ್ಪತ್ರೆಗ್ ದಾಕಲ್ತ್‌ದೆರ್. ಐತಾರ ಮಧ್ಯಾಹ್ನದ ಪೊರ್ತುಗು ತೀರ್ದೆರ್.
ಅಮ್ಮೆ ತೀರ್ದಿನ ವಿಷಯ ತೆರಿಂಡ ಮಗಲೆ ಮದಿಮೆ ಓಲು ಉಂತುದ್ ಪೋವಾ ಪನ್ಡ್‌ದ್ ಸಂಬಂಧಿಕೆರ್ ವಿಷಯ ದೆಂಗಾದ್ ಸೋಮಾರ ಕಾಂಡೆ ಮದಿಮೆದ ಕಟ್ಟ್ ಕಟ್ಲೆಲೆನ್ ಮಗಿತೆರ್. ಮುಹೂರ್ತ ಮುಗಿಬೊಕ್ಕ ತೀರ್ದಿನ ವಿಷಯ ತೆರಿಪಾದೆರ್. ಚಂದ್ರುನ ಅಂತ್ಯಕ್ರಿಯೆ ಕೋಡೆ ಬಯ್ಯಡ್ ನಡತ್ಂಡ್.