Last updated on January 27th, 2025 at 11:31 am
ಸುಳ್ಯ ಜನವರಿ 27: ಕಾಡಾನೆದ ಮೃತದೇಹ ಒಂಜಿ ಸುಳ್ಯ ತಾಲೂಕ್‌ದ ಮಂಡೆಕೋಲು ಗ್ರಾಮೊದ ಎರ್ಕಲ್ಪಾಡಿಡ್ ತಿಕ್ಕ್‌ದ್ಂಡ್. ಮಂಡೆಕೋಲು ರಿಸರ್ವ್‌ ಫಾರೆಸ್ಟ್‌ಡ್ ಅಲ್ಪದ ಮುಟ್ಟದಕ್ಲೆಗ್ ಕಾಡಾನೆದ ಪುನ ತೂಯೆರ ತಿಕ್ಕ್‌ದಿತ್ತ್‌ದಾ, ಅಕುಲು ಅರಣ್ಯ ಇಲಾಖೆಗ್ ಒಲವು ಕೊರ್ತೆರ್.
ತೀರ್ದಿನ ಆನೆ ಆಣ್ ಆನೆ ಆದಿತ್ತ್‌ದ್, ಬೇತೆ ಆನೆಲೆಡ ಕೊಲಲಡ್ ಗಾತಿದ ಪೆಟ್ಟಾದ್, ಬೊಕ್ಕ ನೆತ್ತೆರ್ ಪೋದು ತೀರ್ದಿನ ಸಾಧ್ಯತೆ ಇಪ್ಪು ಪನ್ದ್ ಪನೊಂದುಲ್ಲೆರ್. ಆನೆದ ಮೆಯಿಟ್ ಗಡಿತ ಗುರ್ತೊಲು ತೋಜಿದ್ ಬೈದ. ಕಾಡ್‌ಡ್ ಬೇತೆ ಓಲ್ಲ ಕೊಲಲ ಆದ್, ಇಡೆ ಬತ್ತ್‌ದ್ ತೀರ್ದಿನ ಶಂಕೆ ಉಂಡು. ಜಾಗೆಗ್ ಸುಳ್ಯ ಎಸಿಎಫ್‌ ಪ್ರವೀಣ್‌ ಕುಮಾರ್‌ ಶೆಟ್ಟಿ, ವಲಯ ಅರಣ್ಯಾಧಿಕಾರಿ ಮಂಜುನಾಥ್‌ ಎನ್‌. ಸೇರ್ದ್ ಅರಣ್ಯ ಇಲಾಖೆ ಅಧಿಕಾರಿಲು, ಸಿಬಂದಿ ಭೇಟಿ ಕೊರ್ತೆರ್. ರಾತ್ರೆದ ಪೊರ್ತುಡು ಸುಳ್ಯ ಪಶುವೈದ್ಯಾಧಿಕಾರಿ ಡಾ| ನಿತಿನ್‌ ಪ್ರಭು ಬತ್ತ್‌ದ್ ಪರಿಶೀಲನೆ ಮಲ್ದೆರ್.