ಶಿರ್ಲಾಲ್: ಬೈದೆರ್ಲೆನ ನೇಮೊದ ಪೊರ್ತುಡು ನಡತಿನ ವಿಸ್ಮಯ: ಬೆರ್ಮೆರೆ ಗುಂಡೊದ ಎದುರು ತನ್ನಾತೆಗೆ ಗದ್ದೊಂದಿತ್ತಿನ ರಡ್ಡ್ ಪೂತ ಮಾಲೆಲು

Last updated on January 11th, 2025 at 07:06 pm

ಶಿರ್ಲಾಲ್: ಶಿರ್ಲಾಲ್ ಶ್ರೀ ಬೆರ್ಮೆರ್ ಬೈದೆರ್ಲೆನ ಗರೊಡಿದ ಗರೊಡಿ ಜಾತ್ರೆಡ್ ದೈವೊಲೆನ ನೇಮ ನಡತೊಂದುಪ್ಪುನ ಪೊರ್ತುಡು  ಬೆರ್ಮೆರೆ ಗುಂಡೊದ ಪಿದಯಿ ನೇಲ್ಪಾದಿತ್ತಿನ ನಾಲ್ ಮಾಲೆಲೆಡ್ ರಡ್ಡ್ ಮಾಲೆಲು ತನ್ನಾತೆಗೆ ಅಂಚಿಂಚಿ ಗದ್ದೊಂದಿತ್ತಿನ ನಡಕೆ ಮೊಬೈಲ್ ವೀಡಿಯೋಡ್ ರೆಕಾರ್ಡ್ ಆತ್ಂಡ್.

ಜಾತ್ರೆದ ಲೆಕ್ಕೊಡು ಇಡೀ ಗರೊಡಿಗ್ ಪೂತ ಐತ ಮಲ್ತಿತ್ತೆರ್. ಬೆರ್ಮೆರೆ ಗುಂಡೊಗು ನೇಲ್ಪುಡ್ದಿತ್ತಿನ ನಾಲ್ ಮಾಲೆಲೆಡ್ ನಡುಟು ಇತ್ತಿನ ರಡ್ಡ್ ಮಾಲೆಲು, ದೈವೊಲೆ ಭಂಡಾರ ಗರೊಡಿ ಜತ್ತಿನೆರ್ದ್ ಮಾಣಿಬಾಲೆನ ದರ್ಶನ ಸೇವೆ ಮುಗಿಪುನೇಟ ಅಂಚಿಂಚಿ ನಲ್ತೊಂದಿತ್ತಿನ ತೋಜಿದ್ಂಡ್. ಅವೆಟ್ಲಾ ಬೈದೆರ್ಲೆನ ನಲಿಕೆದ ಪೊರ್ತುಡು ಎಚ್ಚಾದ್ ಈ ರಡ್ಡ್ ಮಾಲೆಲು ತನ್ನಾತೆಗೇ ಗದ್ದೊಂದಿತ್ತಿನ ವಿಸ್ಮಯ ಪನ್ದ್ ತೋಜುಂಡು. ತೂಯಿನಕುಲು ಮಾತ ಉಂದೆನ್ ಬೈದೆರ್ಲು ತನ್ಕುಲು ಉಲ್ಲ ಪನ್ದ್ ತೋಜಾವೊಂದುಲ್ಲೆರ್ ಪನ್ದ್ ಪನೊಂದುಲ್ಲೆರ್.