ಕಾಂಗ್ರೇಸ್ ಸರಕಾರೊಗು ರಡ್ಡ್ ವರ್ಸ ಆವೊಂದು ಬತ್ತ್ಂಡಲಾ ಪ್ರಣಾಳಿಕೆಡ್ ಇತ್ತಿನ ತುಳು ಅಭಿವೃದ್ದಿ ಪ್ರಾಧಿಕಾರ ಆವಡ್ ರಾಜ್ಯ ಭಾಷೆ ಸ್ಥಾನಮಾನ ಆವಡ್ ನನಲ ಇಜ್ಜಿ

Last updated on January 9th, 2025 at 09:17 am

ತುಳುಕು ರಾಜ್ಯ ಬಾಸೆ ಸ್ಥಾನಮಾನ ಕೊರ್ಪಿನ ವಿಷಯೊಡು ಕರಿನ ಬಿಜೆಪಿ ಸರಕಾರ ನನ ದಾನೆ ಅಕಲೆನ ಅವಧಿ ಮುಗಿಯುನ ಪೊರ್ತುಡು ತಾಪುರ್ತೋಪು ವರದಿ ಮಲ್ತ್ ಮಾತಾ ಬೇಲೆನ್ ಅರ್ದೊಗು ಉಂತಾದ್ ಕೈ ದೆಕ್ಕ್ ದಿತ್ತೆರ್. ಬೊಕ್ಕ ಬತ್ತಿನ ಕಾಂಗ್ರೇಸ್ ಸರಕಾರ ಈ ಬೇಲೆನ್ ದುಂಬು ಕೊನೊವು ಪನ್ದ್ ತುಳುವೆರ್ ಅಂಗಲಪ್ಪುಡು ಇತ್ತೆರ್, ಈ ದಿಸೆಟ್ ಪುತ್ತೂರು ಶಾಸಕೆರ್ ಪಾಕ ಸಲ ವಿಧಾನಸಭೆಟ್ ಕೇಳ್ವೆ ಕೇನ್ದೆರ್. ಆಂಡ ಉಂದು ಒವ್ಲಾ ಕೊಡಿ ಎತ್ತುಲೆಕ್ಕ ತೋಜುಜಿ.

ಕಾಂಗ್ರೇಸ್ ಚುನಾವಣಾ ಪ್ರಣಾಳಿಕೆಡ್ ಅಧಿಕಾರೊಗು ಬತ್ತ್ಂಡ ತುಳು ಅಭಿವೃದ್ದಿ ಪ್ರಾಧಿಕಾರ ಮಲ್ತ್ ತುಳುಕು ಅನುದಾನ ಕೊರ್ಪ ಪನ್ಡ್ ಇತ್ತ್ಂಡ್. ಆಂಡ ನನಲ ಈ ಬಗೆಟ್ ಒವ್ವೇ ಬೇಲೆ ಆತಿಜಿ. ಅಲ್ಪಸಂಖ್ಯಾತೆರೆಗ್ ಬ್ಯಾರಿ ಅಭಿವೃದ್ದಿ ಪ್ರಾಧಿಕಾರ ಮಲ್ಪರೆ ಪಿದಡಿನ ಸರಕಾರೊಗು ಅಲ್ಪನೇ ಉಪ್ಪುನ ಭಾಷಾ ಅಲ್ಪಸಂಖ್ಯಾತೆರಾಯಿನ ತುಳುವೆರೆಗ್ ಏತೋ ವರ್ಸದ ಕಾಯೆಸ್ ಇತ್ತಿನ ಅಭಿವೃದ್ದಿ ಪ್ರಾಧಿಕಾರ ಆವಡ್, ರಾಜ್ಯ ಬಾಷೆ ಮಾನಾದಿಗೆ ಆವಡ್ ನನಲಾ ಕೊರೊಡು ಪನ್ದ್ ಆತಿಜಿ. ಈ ಬಗೆಟ್ ತುಳುನಾಡ್ ದ ಎಂ.ಪಿ, ಎಂಎಲ್ಎ ನಕುಲುಲಾ ಮೌನೊಡುಲ್ಲೆರ್.