ಮಹಾ ಕುಂಭಮೇಳದ ದ್ವಾರೊಲೆಗ್ ಬೆದ್ರದ ಲೆಕ್ಸಾ ಲೈಟಿಂಗ್ಸ್ ಅಲಂಕಾರ

Last updated on January 15th, 2025 at 02:11 pm

ಬೆದ್ರ, ಜ.15: ಪ್ರಯಾಗರಾಜ್‌‌ಡ್ ನಡತೊಂದುಪ್ಪುನ ಮಹಾ ಕುಂಭಮೇಳ ತುಳುನಾಡ್‌ಗ್ ಪೆರ್ಮೆ ಕನದ್ಕೊರ್ತುಂಡು, ದಾಯೆ ಪಂಡ ಬೆದ್ರದ ಪುಗರ್ತೆದ ಲೆಕ್ಸಾ ಲೈಟಿಂಗ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್ ಸಂಸ್ಥೆಗ್ ಈ ಪವಿತ್ರ ಜಾಗೆದ ಮುಖ್ಯ ಪ್ರವೇಶ ದ್ವಾರೊಲೆನ ಲೈಟಿಂಗ್ ಅಲಂಕಾರ ಜವಾಬ್ದಾರಿ ಕೊರ್ತೆರ್.

ಪ್ರತಿ 12 ವರ್ಸೊಗೊರ ನಡಪುನ ಕುಂಭಮೇಳೊರ್ದು ಬೇತೆನೇ ಆದ್, ಈ ಮಹಾ ಕುಂಭಮೇಳ 144 ವರ್ಸೊರ್ದು ಬೊಕ್ಕ ನಡತೊಂದುಪ್ಪುನ ಅಪರೂಪದ ಲೇಸ್. ಜನವರಿ 13 ತ ಪುಷ್ಯ ಪುಣ್ಣಮೆದ ಏಲ್ಯ ಗಲಿಗೆಡ್ ಉಂದೆತ ಉದಿಪನ ಆಂಡ್.

ಲೆಕ್ಸಾ ಲೈಟಿಂಗ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್ ಸಂಸ್ಥೆ, ದೇಶೊಡೊರ್ಮೆ ತನ್ನ ಲೈಟಿಂಗ್ ಚಾತುರ್ಪುಗು ಪುದರ್ ಪಡೆದಿತ್ತ್‌ದ್, ಗಂಗಾ, ಯಮುನಾ ಬೊಕ್ಕ ಸರಸ್ವತಿ ದ್ವಾರೊಲೆನ್ ಲೈಟಿಂಗ್ಸ್‌ಡ್ ಐತ ಮನ್ಪುನ ಗೌರವ ತಿಕ್ಕ್‌ದ್ಂಡ್.

ಈ ಸಂಸ್ಥೆ ದುಂಬುಲಾ ಅಯೋಧ್ಯೆ, ಬೆಳಗಾವಿದ ಸುವರ್ಣ ವಿಧಾನ ಸೌಧ, ಬಿರ್ಲಾ ಮಂದಿರ ಬೊಕ್ಕ ಧರ್ಮಪುರದ ಜೈನ ದೇಲಂತಡೆಲೆಡ್ ಲೈಟಿಂಗ್ ಯೋಜನೆಲೆಗ್ ಎಡ್ಡೆ ಪುದರ್ ಗೆತೊಂದುಂಡು.