Last updated on January 3rd, 2025 at 12:11 pm
ಕುಡ್ಲ: ನ್ಯಾಯಂತಡೆಟ್ ವಿಚಾರಣೆಡುಪ್ಪುನ ಆರೋಪಿಲೆಗ್ ಕಲ್ವ ದಾಖಲೆಲೆನ್ ಉಂಡು ಮಲ್ತ್‌ದ್ ಜಾಮೀನ್‌ಗ್ ಶ್ಯೂರಿಟಿ ಉಂತೊಂದಿತ್ತಿನ ದಗೆಕಾರನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.
ಕೈದಾತಿನಾಯನ್ ಕೆ. ಉಮ್ಮರಬ್ಬ ಮೈದೀನ್ ಪನ್ದ್ ಗುರ್ತ ಪತ್ತ್‌ದೆರ್. ಆರೋಪಿ ನಕಲಿ ಆಧಾರ್ ಕಾರ್ಡ್‌ಲೆನ್ ಗಲಸ್‌ದ್ ಫೋರ್ಜರಿ ದಾಖಲೆಲೆನ್ ಉಂಡು ಮಲ್ತ್‌ದ್ ಮಾನ್ಯ ನ್ಯಾಯಂತಡೆಡ್ ವಿಚಾರಣೆಡುಪ್ಪುನ ಪ್ರಕರಣೊಲೆನ ಆರೋಪಿಲೆಗ್ ಶ್ಯೂರಿಟಿಗ್ ಉಂತುದು ದಗೆ ಮಲ್ತೊಂದಿತ್ತೆ. ಈ ಆರೋಪಿನ ದಸ್ತಗಿರಿಗ್ ಕುಡ್ಲ ಪೊಲೀಸ್ ಆಯುಕ್ತರು ಅಂಚೆನೇ ಉಪ ಪೋಲಿಸ್ ಆಯುಕ್ತೆರೆನ ಮಾರ್ಗದರ್ಶನೊದಂಚ, ಕೇಂದ್ರ ಉಪವಿಭಾಗೊದ ಸಹಾಯಕ ಪೊಲೀಸ್ ಆಯುಕ್ತೆರೆ ಸೂಚನೆದಂಚ ಬಡಕಾಯಿ ಕುಡ್ಲ ಪೊಲೀಸ್ ಸ್ಟೇಶನ್‌ದ ಪೊಲೀಸ್ ನಿರೀಕ್ಷಕೆರೆ ಮುತಾಲಿಕೆಡ್ ಠಾಣಾ ಪಿ ಎಸ್ ಐ ಬೊಕ್ಕ ಸಿಬ್ಬಂದಿಲು ದಸ್ತಗಿರಿ ಮಲ್ತ್‌ದ್ ನ್ಯಾಯಂತಡೆದ ಎದುರು ಹಾಜಿರಿ ಮನ್ಪಾದೆರ್.