Last updated on January 28th, 2025 at 07:29 am
ಉಳ್ಳಾಲ: ನಿಶ್ಚಯದಲ್ಪ ಬೂರ್ದು ತಿಕ್ಕಿನ ಸುಮಾರ್ 2.5 ಲಕ್ಷ ಮೌಲ್ಯೊದ ಬಂಗಾರ್‌ನ್ ಅವೆತ ವಾರಸ್ದಾರೆರೆಗ್ ಪಿರ ಕೊರ್ಪುನ ಮುಕೇನ ಕುಂಬ್ಳೆಗ್ ಮುಟ್ಟದ ಪುತ್ತಿಗೆ ಪಂಜಳ ನಿವಾಸಿ ವಿಜಯ್ ಕುಮಾರ್ ರೈ ಮೇರ್ ಪ್ರಾಮಾಣಿಕತೆನ್ ತೋಜಾದಿತ್ತ್‌ದ್, ಬಂಗಾರ್ ಕಲೆವೊಂದಿನಾರ್, ಪಿರ ತಿಕ್ಕಿನ ಕುಸಿಟ್ ಪಣವುದ ಇನಾಮು ಕೊರ್ದು ಒಂಜಿ ಕಾರ್ಯಕ್ರಮೊಟು ಗೌರವ ಸಂದಾದೆರ್.
ಬೂರ್ದ್ ತಿಕ್ಕಿನ ಬಂಗಾರ್‌ನ್ ಕೈಟ್ ಪತೊಂದು ಕಲೆವೊಂದಿನಕುಲು ಬರುವೆರ್ ಪನ್ದ್ ಕಾತೊಂದಿತ್ತಿನ ವಿಜಯ್ ಕುಮಾರೆರ್ ಎನ್ನಿಲೆಕನೆ ತನ್ನ ಬಾಲೆದ ಬಂಗಾರ್ ಕಲೆವೊಂದಿನ ಕಿರಣ್ ಶೆಟ್ಟಿ ಪನ್ಪಿನಾರ್ ಬಂಗಾರ್ ನಾಡೊಂದು ನಿಶ್ಚಯ ನಡತಿನ ಜಾಗೆಗ್ ಬತ್ತ್‌ದೆರ್. ಅಕುಲು ದಾದನೋ ನಾಡೊಂದುಪ್ಪುನೆನ್ ತೂಯಿನ ವಿಜಯ್, ಮುಟ್ಟ ಬತ್ತ್‌ದ್ ವಿಚಾರಿತ್‌ದ್, ಬಂಗಾರ್‌ದ ಗುರ್ತ ಕೇನ್ದ್ ಅವೆನ್ ಪಿರ ಕೊರ್ತೆರ್.
ಅಲ್ಪರ್ದ್ ವಿಜಯ್ ಕುಮಾರ್‌ರೆನ ನಂಬ್ರ ದೆತೊಂದು ಪೋದಿತ್ತಿನ ಕಿರಣ್, ತಾನ್ ಮಾರ್ಗದರ್ಶಕೆ ಆದುಪ್ಪುನ ತಲಪಾಡಿ ಮುಟ್ಟದ ಕಿಞ್ಞದುರ್ಗಾಪುರ ದ ಯುವಶಕ್ತಿದ ಕಾರ್ಯಕ್ರಮ ಒಂಜೆಕ್ ವಿಜಯ್ ಕುಮಾರ್‌ರೆನ್ ಲೆಪ್ಪುಡಾದ್ ಪಣವುದ ಇನಾಮು ಕೊರ್ದು ಮಾನಾದಿಗೆ ಮಲ್ದೆರ್.