Last updated on January 20th, 2025 at 07:42 pm
ಒಡಿಪುದ ಕಲ್ಯಾಣಪುರೊತ ಪಕ್ಕಿಬೊಟ್ಟುಡು ಮೂಲ ಪರಂಪರೆದ ಲೆಕ, ಪೊಸ ವಾಸ್ತುಶೈಲಿಡ್ ಅಮರ್ ಸಂಪಾಯಿ ಮರೊತ ನಿರೆಲ್‌ಡ್ ಇಪ್ಪುನ ಪಕ್ಕಿಬೊಟ್ಟು ಬೆರ್ಮೆರ್ ಬೈದ್ಯೆರ್ಲೆನ ಗರೊಡಿಡ್ ಪುನರ್ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವದ ಗೌಜಿ. ಈ ಗೌಜಿದ ನಡುಟು ಅಮರ್ ಬೀರೆರೆನ ಕಾರ್ನಿಕನಾ ದಾನ್ನ ಪನ್ಪಿ ಲೆಕಂದಿನ ನಡಕೆ ಒಂಜಿ ನಡತ್‌ದ್ಂಡ್.
ಸಂಪೂರ್ಣವಾದ್ ಕಲ್ಲ್‌ಡೇ ಕಟ್ಟ್‌ದಿನ ಪೊಸ ಗರೊಡಿದದ ಬ್ರಹ್ಮಕುಂಭಾಭಿಷೇಕ ನಡತೊಂದುಪ್ಪುನ ಪೊರ್ತುಡು ಬಾನೊಡೆ ರಾವೊಂದು ಬತ್ತಿನ ಜೋಡಿ ಗಿಡಿಕುಲು ಅಲ್ಪನೇ ಒಂತೆ ಪೊರ್ತು ಪ್ರದಕ್ಷಿಣೆ ಪಾಡ್ದ. ಈ ನಡಕೆನ್ ತೂಯಿನ ಭಕ್ತೆರ್ ಉಂದೆನ್ ಕೋಟಿ ಚೆನ್ನಯರೆನ ಕಾರ್ನಿಕ, ಬೈದೆರ್ಲೆ ಅನುಗ್ರಹ ಪನ್ಡ್‌ದ್ ಕೈ ಮುಗಿಯೆರ್.