Last updated on January 13th, 2025 at 10:04 am
ಬೆಂಗಳೂರುದ ಚಾಮರಾಜಪೇಟೆದಾರೆನ ಒರ್ಯನ ಪೆತ್ತೊಲೆನ ಕೆರ್ನ್ದೆಲ್‌ನ್ ದುಷ್ಕರ್ಮಿಲು ಕೊಯ್ತಿನ ಪ್ರಕರಣ ಕೋಡೆ ನಡತಿತ್ತ್ಂಡ್. ಇತ್ತೆ ಕಾಟನ್‌ಪೇಟೆ ಸ್ಟೇಶನ್ ಪೋಲೀಸೆರ್ ಆರೋಪಿನ್ ಕೈದ್ ಮಲ್ದೆರ್.
ಆಂಡ ಆರೋಪಿನ ಪುದರ್‌ನ್ ಪೋಲೀಸೆರ್ ಬುಡ್ದ್ ಕೊರ್ತುಜೆರ್.
ಪೆತ್ತೊಲೆನ ಕೆರ್ನ್ದೆಲ್ ಕೊಯ್ತಿನ ದುಷ್ಕರ್ಮಿಲೆನ ಕ್ರೌರ್ಯೊಗು ಬಾರೀ ಆಕ್ರೋಶ ತೋಜಿದ್ ಬತ್ತಿತ್ತ್ಂಡ್. ಕಾಟನ್‌ಪೇಟ್ ಪೋಲೀಸ್ ಸ್ಟೇಷನ್‌ಡ್ ಪ್ರಾಣಿ ಹಿಂಸಾಚಾರ ತಡೆ ಕಾಯ್ದೆದಡಿಟ್ ಎಫ್‌ಐ‌ಆರ್‌ಲ ದಾಕಲಾದಿತ್ತ್ಂಡ್.
ಚಾಮರಾಜಪೇಟೆದ ವಿನಾಯಕನಗರೊಡು ಬೈಕ್‌ಡ್ ಬತ್ತಿನ ದುಷ್ಕರ್ಮಿಲು ಸಾದಿಬರಿಟ್ ಜಿತ್ತಿತ್ತಿನ ಮೂಜಿ ಪೆತ್ತೊಲೆನ ಕೆರ್ನ್ದೆಲ್ ಕೊಯ್ದ್ ಪದ್ರಾಡಾದಿತ್ತೆರ್. ಈ ಪೆತ್ತೊಲೆಗ್ ಗೋಆಸ್ಪತ್ರೆಡ್ ಮರ್ದ್ ನಡತೊಂದುಂಡು.