ಕಾರ್ಲ: ಕಾಡಮುರ್ಗೊಲೆನ ಬೋಂಟೆಗ್ ಪುನೆಪು- ಒರಿ ಕೈದ್, ಐವೆರ್ ಪದ್ರಾಡ್

Last updated on January 13th, 2025 at 04:37 pm

ಕಾರ್ಲ: ಕುದುರೆಮುಖ ರಾಷ್ಟ್ರೀಯ ಅಭಯಾರಣ್ಯೊದ ಸೀಮೆಡ್ ಕಾಡಮುರ್ಗೊಲೆನ ಬೋಂಟೆ ಮನ್ಪುನಕಲೆನ ಕಳ್ಳ ಪುನೆಪುನು ಅರಣ್ಯಾಧಿಕಾರಿಲು ಯಶಸ್ವಿಯಾದ್ ವಿಫಲ ಮಲ್ತ್‌ದೆರ್.

ಮಾಳ ಗ್ರಾಮೊದ ಮುಳ್ಳೂರು ಅರಣ್ಯ ಚೆಕ್ ಪೋಸ್ಟ್ ದಲ್ಪ ಈ ನಡಕೆ ನಡತ್‌ದ್ಂಡ್. ಅರಣ್ಯಾಧಿಕಾರಿಲು ಕೂಟದ ಮಿತ್ತ್ ದಾಳಿ ಮನ್ಪುನಗ ಸುಮಾರ್ ಐನಾಜಿ ಜನ ಬೆಡಿ ಪತೊಂದು ಕಾಡಮುರ್ಗೊಲೆನ ಬೋಂಟೆ ಮನ್ಪೆರ ಕಾರ್‌ಡ್ ಕಾತೊಂದಿತ್ತೆರ್. ಕಾಟಿಪಳ್ಳ ನಿವಾಸಿ ಪಾಸ್ವಿಮ್ ಅಲಿ (35) ಪನ್ಪಿನಾಯನಾ ಅರಣ್ಯಾಧಿಕಾರಿಲು ಕೈದ್ ಮಲ್ತಿತ್ತ್‌ದ್, ಒರಿನಕುಲು ಕಾರ್ ಬೊಕ್ಕ ಬೆಡಿ ಪತೊಂದು ಪದ್ರಾಡಾತೆರ್.

ಶಂಕರನಾರಾಯಣ ಅರಣ್ಯ ಪ್ರದೇಶೊಡು ರಡ್ಡ್ ಕಾಟಿಲೆನ ಬೋಂಟೆ ಮಲ್ತಿನ ಆರೋಪ ಪಾಸ್ವಿಮ್ ಅಲಿನ ಮಿತ್ತ್ ಉಂಡು ಪನ್ದ್ ಅರಣ್ಯ ಇಲಾಖೆದ ಅಧಿಕಾರಿಲು ತೆರಿಪಾದೆರ್. ಮೊಕಲೆನ ಮಿತ್ತ್ ಕಾಡಮುರ್ಗೊಲೆನ ಬೋಂಟೆಗ್ ಪುನೆಪುದ ಆರೋಪ ಬೊಕ್ಕ ಶಸ್ತ್ರಾಸ್ತ್ರ ಕಾಯ್ದೆ ಉಲ್ಲಂಘನೆ ಆರೋಪದಡಿಟ್ ಪ್ರಕರಣ ದಾಕಲ್ತೊಂದೆರ್.