Last updated on April 15th, 2025 at 11:27 am
ಪೆರಿಯಡ್ಕ: ಸೋಮವಾರ ಬೀಜಿನ ರಣಗಾಳಿಗ್ ಪುತ್ಯೆ ಶ್ರೀ ವಿಷ್ಣುಮೂರ್ತಿ ದೇಲಂತಡೆದ ಕೊಡಿಮರ ಅಡಿರ್ದೇ ಪೊಕ್ಕುದು ಬೂರ್ದ್ಂಡ್. ಆಂಡ ಅವೆರ್ದ್ ಬೊಕ್ಕ ತಾತ್ಕಾಲಿಕ ಕೊಡಿಮರ ಉಂತಾದ್ ದಾಲ ತಲೆಪುದಾಂತೆ ತೇರ್ ನಡತ್ಂಡ್.
ದೇಲಂತಡೆದ ಕಾಲಾದಿದ ತೇರ್ದ ಲೆಕ್ಕೊಡು 12 ತಾನಿ ಕೊಡಿ ಏರ್ದಿತ್ತ್ಂಡ್. ಏರಾಯಿ ಕೊಡಿತೊಟ್ಟುಗು ಕೊಡಿಮರ ಬೂರ್ದಿನೆರ್ದಾವರ ತಾತ್ಕಾಲಿಕವಾದ್ ಕಂಗ್ನ್ ಕೊಡಿಮರ ಆದ್ ಉಂತಾದ್, ಧಾರ್ಮಿಕ ಕಟ್ಟ್ಲೆನ್ ಕರಿತ್ದ್ ದೇಬೆರೆಗ್ ಕಲಶ ಪ್ರೋಕ್ಷಣೆ ಮಲ್ತ್ದ್ ತೇರ್ ಒಯ್ತೆರ್. ಅಡಿಲಕ್ಕ್ದ್ ಬೂರ್ದಿನ ಕೊಡಿಮರೊಕು ಸುಮಾರ್ ನೂದು ವರ್ಸ ಆದುಪ್ಪು ಪನ್ದ್ ಜನ ಅಂದಾಜಿಡ್ ಪನೊಂದುಲ್ಲೆರ್.
ದೇಬೆರೆನ್ ತರ್ಕ್ದ್ ಕುಲ್ಯೆರ್ ಬಟ್ರ್: ತೇರ್ ಇತ್ತಿನೆರ್ದಾವರ ಬಲಿಮೂರ್ತಿನ್ ತೇರ್ಡ್ ಪ್ರತಿಷ್ಠೆ ಮಲ್ತಿತ್ತೆರ್. ಗಾಳಿ ಬರ್ಸೊಗು ತೇರೇ ಅಡಿಮೇಲಾಪುನ ಪರಿಸ್ಥಿತಿಟ್ ಇಪ್ಪುನಗ ಬಟ್ರ್ ದೇಬೆರೆ ಬಲಿಮೂರ್ತಿನ್ ತರ್ಕ್ದ್ ಪತೊಂದು ತೇರ್ಡ್ ಕುಲೊಂದು ಮದಿತೊಂದಿತ್ತೆರ್. ಮಧ್ಯಾಹ್ನ ರಥಾರೋಹಣ ಬೊಕ್ಕ ಅನ್ನ ಸಂತರ್ಪಣೆ ಕಾರ್ಯಕ್ರಮ ಇತ್ತಿನೆರ್ದಾವರ ಪಾಕ ಜನ ಭಕ್ತೆರ್ ಸೇರ್ದಿತ್ತೆರ್. ಆಂಡ ಏರೆಗ್ಲಾ ಒವ್ವೇ ಪೆಟ್ಟಾತಿಜಿ. ಅತ್ತಂದೆ ಒವ್ವೇ ಕಟ್ವಾನೊಗ್ಲಾ ಹಾನಿ ಅವಂದೆ ಒಂಜಿ ಕೋಂಟುಗು ಕೊಡಿಮರ ಬೂರ್ದಿನ ವಿಶೇಷ ಪನ್ಪಿನ ಪಾತೆರ ಕೇನ್ದ್ ಬೈದ್ಂಡ್.