Last updated on January 31st, 2025 at 12:44 pm
ಪ್ರಯಾಗರಾಜ್‌ ಜನವರಿ 31: ಉತ್ತರಪ್ರದೇಶದ ಪ್ರಯಾಗ್‌ರಾಜ್ ಡ್ ನಡತೊಂದುಪ್ಪುನ ಮಹಾಕುಂಭಮೇಳಡ್ ಭಕ್ತೆರೆಗ್ ಬೋಡಾದ್ ಮಲ್ದಿನ ಅಟಿಲ್‌ಗ್ ಪೊಲೀಸ್ ಅಧಿಕಾರಿಯೊರಿ ಬೊಞ್ಞ ಪಾಡೊಂದುಪ್ಪುನ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್. ಇತ್ತೆ ಬೊಞ್ಞ ಪಾಡಿನ ಪೊಲೀಸ್ ಅಧಿಕಾರಿನ್ ಸಸ್ಪೆಂಡ್ ಮಲ್ತ್‌ದೆರ್.
ಮಹಾ ಕುಂಭ ಮೇಳ ತೊಡಂಗ್‌ದಿತ್ತ್‌ದ್ ದೇಶೊಡೊರ್ಮೆರ್ದ್ ಕೋಟಿಗಟ್ಲೆ ಭಕ್ತೆರ್ ಈ ಪುಣ್ಯ ಜಾಗೆಗ್ ಬತ್ತ್‌ದ್ ಪವಿತ್ರ ಸ್ನಾನ ಮಲ್ತೊಂದುಲ್ಲೆರ್, ಅಂಚೆನೇ ಬರ್ಪಿ ಭಕ್ತೆರೆಗ್ ಪನ್ದೇ ವನಸ್, ಪರ್ಪಿನ ನೀರ್‌ದ ವ್ಯವಸ್ಥೆ ಅಲ್ಪಲ್ಪ ಮಲ್ತ್‌ದೆರ್. ಇಂಚ ಇಪ್ಪುನ ತೆರಿದಿತ್ತ್ಂಡಲಾ ಒರಿ ಪೊಲೀಸ್ ಅಧಿಕಾರಿ ಭಕ್ತೆರೆಗ್ ಬೋಡಾದ್ ಮಲ್ದಿನ ಅಟಿಲ್‌ಗ್ ಬೊಞ್ಞ ಪಾಡ್‌ದ್ ಅಮಾನವೀಯ ಬೇಲೆ ಮಲ್ತ್‌ದೆ.
ಪೊಲೀಸ್ ಅಧಿಕಾರಿನ ಈ ಬೇಲೆ ಅಲ್ಪದ ಒರ್ಯನ ಮೊಬೈಲ್ ಡ್ ಕೈದಾದಿತ್ತ್‌ದ್ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆವೊಂದಿತ್ತಿಲೆಕನೆ ಪೊಲೀಸ್ ಅಧಿಕಾರಿನ ನಡಕೆಗ್ ಒರ್ಮೆಲಾ ಆಕ್ರೋಶ ತೋಜಿದ್ ಬೈದ್ಂಡ್.
ಈ ವಿಡಿಯೊ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆಯಿ ಬೊಕ್ಕ, ಸೊರನ್ನ ಠಾಣಾಧಿಕಾರಿ ಬ್ರಿಜೇಶ್ ಕುಮಾರ್ ತಿವಾರಿನ ಮಿತ್ತ್ ಕ್ರಮ ಗೆತೊಂದ ಪನ್ದ್ ಡಿಸಿಪಿ ಕುಲದೀಪ್ ಸಿಂಗ್ ಗುಣವತ್ ಪನ್ಡೆರ್.
ದಿಕ್ಕೆಲ್‌ದ ಮಿತ್ತ್ ಬೆಯ್ಯೊಂದಿತ್ತಿನ ಅಟಿಲ್‌ಗ್ ಪೊಲೀಸ್ ಅಧಿಕಾರಿ ಬೊಞ್ಞ ಬಿರ್ಕುನ ದೃಶ್ಯ ವೀಡಿಯೋಡ್ ತೋಜುಂಡು.