Last updated on January 31st, 2025 at 09:58 am
ಕಾಪು, ಜ.31: ಕಲ್ವೆರ್ ಇಲ್ಲದ ಬೀಗ ಪೊಲ್ತ್‌ದ್ ಉಲಯಿ ಪೊಗ್ಗುದು 116 ಪವನ್ ತೂಕೊದ ಪದ್ದೈ ಬಂಗಾರ್, 100 ಗ್ರಾಂ ಬೊಳ್ಳಿ ಸೇರ್ದ್ ಕಾಸ್ ಕಂಡ್‌ದ್ ಪದ್ರಾಡಾತಿನ ನಡಕೆ ಉದ್ಯಾವರ ಗುಡ್ಡೆಯಂಗಡಿಡ್ ನಡತಿತ್ತ್‌ದ್, ಜನವರಿ 29ದಾನಿ ಬೊಲ್ಪುಗು ಬೈದ್ಂಡ್.
ಉದ್ಯಾವರದ ರೇಷ್ಮಾ ತನ್ನ ಮಗಲೆನೊಟ್ಟುಗು ಕಂಡನ್ಯನ ಇಲ್ಲಗ್ ಪೋದಿತ್ತ್‌ದ್, ಪಿರ ಬತ್ತ್‌ದ್ ತೂನಗ ಕಲ್ವೆರೆ ಬೇಲೆ ಬೊಲ್ಪುಗು ಬೈದ್ಂಡ್.
ರೇಷ್ಮಾ ಮೇರ್ ಕರಿನ 15 ವರ್ಸೊರ್ದಿಂಚಿ ಉದ್ಯಾವರ ಗ್ರಾಮೊದ ಗುಡ್ಡೆಯಂಗಡಿಡ್ ಇಪ್ಪುನ ಚಂದ್ರಕಾಂತ್ ಮೆರೆನ ಇಲ್ಲದ ಒಂಜನೇ ಮಾಲಿಗೆಡ್ ಬಾಡಾಯಿದ ಇಲ್ಲಡೊ ವಾಸ ಇತ್ತ್‌ದ್, ಇಲ್ಲದ ತಿರ್ತಮಾಲಿಗೆಡ್ ಇಲ್ಲದಕುಲು ಇಪ್ಪೆದೆರ್. ಇಲ್ಲದ ಮಾಲೀಕೆರ್ ಜ. 14ತಾನಿ ಮುಂಬಯಿಗ್ ಪೋದಿತ್ತೆರ್. ರೇಷ್ಮಾ ಮೇರ್ ಮಗಲೆನೊಟ್ಟುಗು ಜ. 25ತಾನಿ ಪರ್ಕಳಡ್ ಇಪ್ಪುನ ಕಂಡನ್ಯನ ಇಲ್ಲಗ್ ಪೋದದಿತ್ತೆರೊ.
ಬೊಕ್ಕ ಜ. 29ದಾನಿ ಉದ್ಯಾವರದ ಇಲ್ಲಗ್ ಪಿರ ಬತ್ತ್‌ದ್ ತೂನಗ ಎದುರುದ ಬಾಕಿಲ್ ಓಪನ್ ಇತ್ತ್ಂಡ್, ಉಲಯಿ ಪೋದು ತೂನಗ ಜೆಪ್ಪುನದೆಟ್ ಇತ್ತಿನ 3 ಕಪಾಟ್‌ಲು ಓಪನ್ ಆದಿತ್ತ. ಈ ಪೊರ್ತುಡು ಅವೆಟಿತ್ತಿನ 116 ಪವನ್ ಪದ್ದೈ ಬಂಗಾರ್ ಯಯ, 100 ಗ್ರಾಂದಾತ್ ಬೊಳ್ಳಿಯ ದೇಬೆರೆ ಸೊತ್ತುಲು ಅಂಚೆನೇ 30 ಸಾರ ರೂಪಾಯಿ ಕಂಡ್‌ದ್ ಪೋತಿನ ತೆರಿದ್ಂಡ್.
ಜ. 25ರ್ದ್ ಜ. 29ತ ಉಲಯಿ ಕಂಡ್‌ದ್ ಪೋತುಂಡು ಪನ್ದ್ ರೇಷ್ಮಾ ಬರೆಪಾದಿನ ಒಯಿಲ್‌ದ ಪ್ರಕಾರ ಕಾಪು ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.