Last updated on January 8th, 2025 at 05:02 pm
ಪೊಸಬೊಟ್ಟು: ಬೀಚ್‌ಗ್ ಪ್ರವಾಸೊಗು ಬತ್ತಿತ್ತಿನ ನಾಲ್ವೆರೆಡ್ ಮೂವೆರ್ ನೀರ್‌ಪಾಲಾತಿನ ನಡಕೆ ಕುಳಾಯಿ ಪೊಸಬೊಟ್ಟು ಬೀಚ್‌‌ದಲ್ಪ ನಡತ್‌ದ್ಂಡ್. ಒರಿಯನ್ ಅಲ್ಪದ ಕಡಲಾಯೆರ್ ಕಾತ್‌ದೆರ್.
ಬೆಂಗಳೂರ್‌ರ್ದ್ ಕೋಡೆ ನಾಲ್ ಜನ ತಿರ್ಗೊಂದು ಬತ್ತಿತ್ತ್‌ದ್, ಬೀದರ್‌ದ ಪರಮೇಶ್ವರ್‌ (30) ನ್ ಒರಿಪಾದಿತ್ತ್‌ದ್, ಚಿತ್ರದುರ್ಗ ಜಿಲ್ಲೆದ ಮಂಜುನಾಥ್‌ ಎಸ್‌, ಶಿವಮೊಗ್ಗ ಜಿಲ್ಲೆದ ಶಿವಕುಮಾರ್‌ ಬೊಕ್ಕ ಬೆಂಗಳೂರ್‌ದ ಸತ್ಯವೇಲು ತೀರ್ದಿನಕುಲು.
ಶಿವಕುಮಾರ್‌ ಬೊಕ್ಕ ಸತ್ಯವೇಲುನ ಪುನ ತಿಕ್ಕ್‌ದಿತ್ತ್‌ದ್, ಮಂಜುನಾಥನ ಪುನ ನಾಡುನ ಬೇಲೆ ನಡತೊಂದುಂಡು.
ತೊರತ್ತಲ್ ಸ್ಟೇಷನ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್, ಪರಿಶೀಲನೆ ಮಲ್ತ್‌ದೆರ್.
ಬೆಂಗಳೂರ್‌ದ ಎಎಂಸಿ ಮೆಡಿಕಲ್‌ ಕಾಲೇಜಿದ ವಿದ್ಯಾರ್ಥಿಲಾಯಿನ ಮೊಕುಲು ನೀರ್‌ದ ಗಂತ್ ತೆರಿಯಂದೆ ಕೊಚ್ಚಿದ್ ಪೋತೆರ್ ಪನ್ದ್ ಪ್ರಾಥಮಿಕ ವರದಿಡ್ ತೆರಿದ್ ಬೈದ್ಂಡ್.