Last updated on January 8th, 2025 at 04:18 pm
ಕರಿನ 20 ವರ್ಸೊರ್ದಿಂಚಿ ಪಡೀರ್ ಬೂರ್ದಿತ್ತಿನ ಇಲ್ಲದ ಫ್ರಿಡ್ಜ್ದ ಉಲಯಿ ನರಮಾನಿನ ಎಲು, ಬುರುಡೆ ಪತ್ತೆ ಆತಿನ ನಡಕೆ ಕೇರಳದ ಚೊಟ್ಟನಿಕ್ಕಾರ ಪನ್ಪಿನಲ್ಪ ನಡದ್ಂಡ್.
ಡಾಕ್ಟರ್ ಆಯಿನ ಫಿಲಿಪ್ ಜಾನ್ ಪನ್ಪಿನರೆಗ್ ಸೇರ್ದಿನ ಈ ಇಲ್ಲ್ 20 ವರ್ಸೊರ್ದು ಪಡೀರ್ ಬೂರ್ದುಂಡು. ಡಾಕ್ಟರ್ ಬೇಕೆನೇ ಕಡೆಟ್ ಬದ್ಕೊಂದುಲ್ಲೆರ್ ಅರೆನ ಜೋಕುಲು ಪಿದಯೂರುಡು ಉಲ್ಲೆರ್. ಇಂಚೊಗು ಬೊಡ್ಚಾಂದಿನ ಬೇಲೆಲೆಗ್ ಈ ಬಂಗ್ಲೆನ್ ಪಾಕ ಜನ ಗಲಸೊಂದುಲ್ಲೆರ್ ಪನ್ದ್ ಅಲ್ಪದಕಲು ಪೋಲಿಸೆರೆಗ್ ಒಯಿಲ್ ಕೊರ್ದಿತ್ತೆರ್. ಅಂಚಾದ್ ಪೋಲೀಸೆರ್ ನಾಡ್ನಗ ಕವರ್ ಡ್ ಪೊದಿದಿನ ಬುರುಡೆ ಬೊಕ್ಕ ಎಲು ತಿಕ್ಕುದ್ಂಡ್. ಉಂದು ಏತ್ ವರ್ಸ ದುಂಬು ದೀತಿನ ಪನ್ದ್ ನನ ವಿಧಿವಿಜ್ಞಾನ ಪರೀಕ್ಷೆಡ್ ತೊರಿಯೊಡಾತೇ.