Last updated on January 11th, 2025 at 11:50 am
ಒಡಿಪು ಜ. 11: ಟ್ರಕ್ ಒಂಜಿ ಬೈಕ್‌ಗ್ ಎಡ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ತೀರ್ದ್, ಬೊಕ್ಕ ಟ್ರಕ್ ಪೊತ್ತುದು ಪೋತಿನ ನಡಕೆ ಉದ್ಯಾವರ ಗುಡ್ಡೆಅಂಗಡಿ ರಾಷ್ಟ್ರೀಯ ಪೆರ್ಸಾದಿ 66ಟ್ ಇನಿ ಕಾಂಡೆ ನಡತ್‌ದ್ಂಡ್.
ತೀರ್ದಿನಾರೆನ್ ಕೊರಂಗ್ರಪಾಡಿ ನಿವಾಸಿ ಅವಿನಾಶ್ ಆಚಾರ್ಯ( 19) ಪನ್ದ್ ಗುರ್ತ ಪತ್ತ್‌ದೆರ್. ಗುಜರಾತ್ ಕಡೆರ್ದ್ ಕೇರಳದಂಚಿ ಪೋವೊಂದಿತ್ತಿನ ಈಚರ್ ಲಾರಿ ಎದುರುಡು ಪೋವೊಂದಿತ್ತಿನ ಬೈಕ್‌ಗ್ ಎಡ್ತ್‌ದ್ಂಡ್ ಪನ್ದ್ ಪನೊಂದುಲ್ಲೆರ್. ಉಂದೆರ್ದಾವರ ಸಾದಿಗ್ ಬೂರ್ದ್ ಗಾತಿದ ಗಡಿಕುಲಾದಿತ್ತಿನ ಅವಿನಾಶ್ ಆಸ್ಪತ್ರೆಗ್ ಲೆತೊಂದು ಪೋಪುನ ಸಾದಿ ನಡುಟು ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಎಡ್ತೆದ ಪೊರ್ತುಡು ಬೈಕ್‌ನ್ ಲಾರಿ ಒಯ್ತೊಂದು ಪೋತಿನೆರ್ದಾವರ ಸೂ ಪತೊಂದಿತ್ತ್‌ದ್, ಸೂ ಲಾರಿಗ್ ಪತ್ತ್‌ದ್ ಲಾರಿ ಬೊಕ್ಕ ಬೈಕ್ ರಡ್ಡ್‌ಲಾ ಪೊತ್ತುದು ಸುಡುಸೂಕರಿಯಾತ. ಜಾಗೆಗ್ ಒಡಿಪು ಟ್ರಾಫಿಕ್ ಪೋಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.
