Last updated on January 11th, 2025 at 09:27 am
ಕುಡ್ಲ: ಮೂಡುಶೆಡ್ಡೆಡ್, ಬ್ಯಾನ್ ಆತಿನ ಉಗ್ರ ಸಂಘಟನೆ ಪಿಫ್ಐದ ಮುಖಂಡೆ ಬದ್ರುದ್ದೀನ್ ಅಕ್ರಮ ಪಿಸ್ತೂಲ್‌ಡ್ ಗುಂಡು ರಾಪಾಯಿನೆರ್ದಾವರ ಒರ್ಯಗ್ ಗಾತಿದ ಗಡಿಯಾತ್ಂಡ್. ಅಕ್ರಮವಾದ್ ಪಿಸ್ತೂಲ್ ಮರ್ದ್ ಗುಂಡುಲೆನ್ ದೀವೊಂದು ಹಿಂದುಲೆನ ಬೊಕ್ಕ ಹಿಂದೂ ಮುಖಂಡೆರೆನ್ ಕೆರ್ಪುನ ಪ್ಲಾನ್ ಮಲ್ತೊಂದುಪ್ಪುನ ಬಗೆಟ್ ಸಂಶಯ ತೋಜೊಂದುಂಡು, ಪಿಫ್ಐನ್ ಐಕ್ ಬೋಡಾದೆ ನಿಷೇಧ ಮಲ್ತಿತ್ತ್ಂಡ್ ಆಂಡ ಅವೆತ ಲೀಡರ್‌ನಕಲೆಡ ಅಕ್ರಮ ಪಿಸ್ತೂಲ್ ಇಪ್ಪುನವು ಮಾತೆರೆನ ಪೋಡಿಗೆಗ್ ನೆವನ ಆತ್ಂಡ್ ಅಂಚಾದ್ ಈ ಪ್ರಕರಣೊದ ಮಲ್ಲ ಮಟ್ಟ್‌ದ ಜಡ್ತೆ ಮನ್ಪೆರ ವಿಶ್ವ ಹಿಂದೂ ಪರಿಷತ್ ಆಗ್ರಹ ಮಲ್ದ್ಂಡ್.
ತುಳುನಾಡ್ ಸೇರ್ದ್ ಬೇತೆ ಕಡಲ ಕರೆತ ಜಿಲ್ಲೆಲು ಉಗ್ರೆರೆಗ್ ಭಯೋತ್ಪಾದಕ ಬೇಲೆಲೆಗ್ ಪ್ರಯೋಗಶಾಲೆ ಆವೊಂದಿತ್ತ್‌ದ್, ಉಂದೆಕ್ ದುಂಬು ದೀಪ್ತಿ ಮಾರ್ಲ ಪ್ರಕರಣ ಬೊಕ್ಕ ಕುಡ್ಲದ ಕೆಲ ಕಡೆಟ್ NIA ದಾಳಿ ಮಲ್ತಿನಪಗ ನಮ್ಮ ಸಂಘಟನೆ NIA ಕಚೇರಿನ್ ಕುಡ್ಲಗ್ಲಾ ಕನವೆರೆ ಕಾಯೆಸ್ ಮಲ್ತಿತ್ತ್‌ದ್, ಮಾನ್ಯ ಸಂಸದೆರ್ ಈ ಬಗೆಟ್ ಪುನೆಪು ಬರೊಂದಿತ್ತ್‌ದ್ ಉಗ್ರೆರೆನ್ ಅಂಕೆಡ್ ದೀವೆರೆ NIA ಕಚೇರಿನ್ ಕುಡ್ಲಡ್ ತಾಪನೆ ಮನ್ಪೆರೆ ವಿಎಚ್‌ಪಿ ಬಿನ್ನಪು ಮಲ್ದ್ಂಡ್.