Last updated on February 28th, 2025 at 02:51 pm
ಕುಡುಮ: 103 ವರ್ಸ ಪ್ರಾಯೊದ ಅಬ್ಬ ಒರ್ತಿ ಕುಡುಮಗ್ ಪಾದಯಾತ್ರೆ ಮಲ್ತೊಂದುಪ್ಪುನ ವಿಡಿಯೊ ಇತ್ತೆ ಸಾಮಾಜಿಕ ಬಲೆತ್ತಾನೊಡು ತಿರ್ಗೊಂದುಂಡು.
ತುಮಕೂರು ಜಿಲ್ಲೆದ ತಿಪಟೂರ್‌ದ ಪಾರ್ವತಮ್ಮ ಮೇರ್ ಸೋಮಾರ ರಾತ್ರೆ ಮೂಡಿಗೆರೆ ತಾಲ್ಲೂಕ್‌ದ ಬಣಕಲ್ ಕೈತಲ್ ಸಾದಿಡೆ ಪಾದಯಾತ್ರೆ ಮಲ್ತೊಂದು ಬನ್ನಗ ಅಲ್ಪದಾರ್ ಒರಿ ಮೊಬೈಲ್ ಫೋನ್‌ಡ್ ವಿಡಿಯೊ ರೆಕಾರ್ಡ್ ಮಲ್ದೆರ್.
‘ದೇಶೊದ ಸೈನಿಕೆರೆಗ್ ಎಡ್ಡೆ ಆವೋಡು. ಉತ್ತರ ಪ್ರದೇಶೊದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಮಲ್ದಿನ ಕಾನೂನು ದೇಶೊಡೊರ್ಮೆ ಜಾರಿ ಆವೊಡು. ನರೇಂದ್ರ ಮೋದಿ ಪ್ರಧಾನಿ ಆಯಿ ಬೊಕ್ಕ ದೇಶೊಗು ಎಡ್ಡೆ ಆವೊಂದುಂಡು. ನನಲಾ ಎಡ್ಡೆ ಆವೊಡು. ಐಕಾದ್ ಪಾದಯಾತ್ರೆ ಮಲ್ತೊಂದುಲ್ಲೆ’ ಪನ್ದ್ ಪಾರ್ವತಮ್ಮ ಪನ್ತಿನವು ವಿಡಿಯೊಡ್ ತೂವೊಲಿ.