Last updated on February 13th, 2025 at 06:55 am
ಬೊಲ್ತೇರ್: ಗುರುವಾಯನಕೆರೆ- ವೇಣೂರು ಸಾದಿದ ದ್ವಾರೊರ್ದು ಒಂತೆ ಎದುರು ಡಿವೈಡರ್ಗ್ ಬೈಕ್ ಎಡ್ತ್ದ್ ಗಾತಿದ ಗಡಿಕುಲಾದ್ ಬೈಕ್ ಬುಡೊಂದಿತ್ತಿನ ಜವನೆ ಅಲ್ಪನೇ ತೀರ್ದಿನ ನಡಕೆ ಫೆ.12ತಾನಿ ರಾತ್ರೆ ನಡತ್ದ್ಂಡ್.
ಬಂಟ್ವಾಳ ತಾಲೂಕ್ ಸಿದ್ದಕಟ್ಟೆ ಮುಟ್ಟದ ಉಕ್ಕಿನಡ್ಕ ನಿವಾಸಿ ಪ್ರಶಾಂತ್ ಪೂಜಾರಿ (30) ತೀರ್ದಿನಾರ್ ಪನ್ದ್ ಗುರ್ತ ಪತ್ತ್ದೆರ್
ಗುರುವಾಯನಕೆರೆರ್ದ್ ವೇಣೂರು ದಂಚಿ ಪೋವೊಂದಿತ್ತಿನ ಬೈಕ್ ಅಂಕೆ ತತ್ತ್ದ್ ಡಿವೈಡರ್ಗ್ ಎಡ್ತ್ದ್ಂಡ್. ಎಡ್ತಿನ ಪೆಟ್ಟ್ಗ್ ಪ್ರಶಾಂತ್ ಬೈಕ್ರ್ದ್ ರಟ್ಟ್ದ್ ತರೆ ಕರೆಂಟ್ ಕುಂದೊಗು ಎಡ್ತಿನೆರ್ದಾವರ ಗಾತಿದ ಗಡಿಕುಲಾದ್ ಅವ್ವೇ ಜಾಗೆಡ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಜಾಗೆಗ್ ಬೊಲ್ತೇರ್ ಟ್ರಾಫಿಕ್ ಪೋಲೀಸೆರ್ ಬತ್ತ್ದ್, ಮುಟ್ಟದಕಲೆನ ಸಕಾಯೊಡು ಮೃತದೇಹೊನು ಬೊಲ್ತೇರ್ ಆಸ್ಪತ್ರೆಗ್ ಕೊನೊತೆರ್.