Last updated on February 4th, 2025 at 05:42 pm
ಕಡಬ ಫೆಬ್ರವರಿ 04: ಅರೆಗಾಲ ಸುರು ಆವೊಂದುಂಡು. ಈ ನಡುಟು ಇತ್ತೆ ಶಾಲೆದ ಜೋಕುಲೆಡ್ ಚಿಕನ್ ಪಾಕ್ಸ್ ತೋಜಿದ್ ಬತ್ತಿತ್ತ್‌ದ್ ಮಂಡೆಬೆಚ್ಚೊಗು ನೆವನ ಆತ್ಂಡ್. ಕಡಬ ತಾಲೂಕ್‌ಡ್ 21 ಜೋಕುಲೆಡ್ ಚಿಕನ್ ಪಾಕ್ಸ್ ತೋಜಿದ್ ಬತ್ತ್‌ದ್ಂಡ್.
ಕಡಬ ಒಂಜೇ ತಾಲೂಕ್‌ಡ್ ಬೇತೆ ಬೇತೆ ಶಾಲೆಲೆಡಾ 21ರ್ದ್‌ಲಾ ಎಚ್ಚ ಜೋಕುಲೆಗ್ ಚಿಕನ್ ಪಾಕ್ಸ್ ಬತ್ತ್‌ದ್ಂಡ್. ಆರೋಗ್ಯ ಇಲಾಖೆರ್ದ್ ತಿಕ್ಕಿನ ಒಲವುದ ಪ್ರಕಾರ ನೆಲ್ಯಾಡಿಡ್ ರಡ್ಡ್ ಶಾಲೆಲೆಡ್ ಒಟ್ಟು ಒರ್ಮ್ಬ ಜೋಕುಲೆಗ್, ಬೆಳ್ಳಾರೆ ಶಾಲೆಡ್ ಒಂಜಿ, ಲಾವತ್ತಡ್ಕಡ್ ಒಂಜಿ, ಗೋಳಿತ್ತೊಟ್ಟುಡ್ ಒಂಜಿ, ಕುಕ್ಕೆ ಸುಬ್ರಹ್ಮಣ್ಯದ ಶಾಲೆದ 6 ಜೋಕುಲೆಗ್ ಸೇರ್ದ್ ಒಟ್ಟು 21 ಜೋಕುಲೆಗ್ ಚಿಕನ್ ಪಾಕ್ಸ್ ಪಗರ್ದಿನ ಬಗೆಟ್ ಒಲವು ತಿಕ್ಕ್‌ದ್ಂಡ್.
ಮೆಯಿಟ್ ಬೂರ್ದಿನವು ಪಗರ್ದಿನ ಶಾಲೆಲೆನ ಆಡಳಿತ ಮಂಡಳಿಗ್ ಆರೋಗ್ಯ ಇಲಾಖೆ ದುಕಬೆಚ್ಚರ್ಗೆದ ಕ್ರಮ ಗೆತೊನ್ರ ಆದೇಶ ಕೊರ್ತುಂಡು. ಮೆಯಿಟ್ ಬೂರ್ದಿನ ಕಮ್ಮಿ ಆಪುನೇಟ ಜೋಕುಲೆಗ್ ರಜೆ ಕೊರ್ಪಿಲೆಕ ಅಂಚೆನೇ ಜೋಕುಲೆನಾ ಶಾಲೆಗ್ ಕಡಪುಡಂದಿಲೆಕ ಶಾಲೆಲೆಗಡ ಬೊಕ್ಕ ಪೋಷಕೆರೆಡ ಜಿಲ್ಲಾ ಬೊಕ್ಕ ತಾಲೂಕು ಆರೋಗ್ಯಾಧಿಕಾರಿಲು ಬಿನ್ನಪು ಮಲ್ತೊಂದೆರ್.