Last updated on February 1st, 2025 at 03:19 pm
ಕುಡ್ಲ, ಫೆಬ್ರವರಿ 01: ಅಪ್ರಾಪ್ತ ಪೊಣ್ಣನ ಮಿತ್ಸಾತ್ ಮೂಹಿಕವ ಅತ್ಯಾಚಾರ ಮಲ್ದಿನ ಮೂವೆರ್ ಆರೋಪಿಲೆಗ್ ಎಚ್ಚಿಗೆದ ಕುಡ್ಲದ ಜಿಲ್ಲಾ ಬೊಕ್ಕ ಸೆಷನ್ಸ್ ನ್ಯಾಯಂತಡೆ ಬೊಕ್ಕ ಎಫ್‌ಟಿಎಸ್‌ಸಿ-2 ಪೊಕ್ಸೋ ವಿಶೇಷ ನ್ಯಾಯಂತಡೆ 20 ವರ್ಸೊದ ಕಠಿಣ ಶಿಕ್ಷೆ ಅಂಚೆನೇ ₹1.65 ಲಕ್ಷ ದಂಡ ಪಾಡ್ದ್ಂಡ್.
ಶಿಕ್ಷೆ ಆತಿನಕಲು ಮೂಳೂರು ಗ್ರಾಮ ಕಿನ್ನಿಕಂಬುಲ ಪಲ್ಲಿ ಮುಟ್ಟದ ನಿವಾಸಿ ಮೊಹಮ್ಮದ್ ಶಾಕೀರ್ (26), ಬಂಟ್ವಾಳ ತಾಲ್ಲೂಕ್ ಕೈಕಂಬದ ಅಭಿಜಿತ್ (27), ಒಡಿಪು ಜಿಲ್ಲೆ ಕಾರ್ಲ ತಾಲ್ಲೂಕು ಕುಕ್ಕುಂದೂರ್‌ದ ಅಬ್ದುಲ್ ಸಮದ್ (32). ಆರೋಪಿಲಾಯಿನ ಮೊಹಮ್ಮದ್ ಶಾಕೀರ್ ಬೊಕ್ಕ ಅಬ್ದುಲ್ ಸಮದ್ ಬಸ್ ಉಂತಡೆಡ್ ಉಂತುದಿತ್ತಿನ 16 ವರ್ಸೊದ ಪೊಣ್ಣಗ್ ಪೊಸ ಕುಂಟು ಬೊಕ್ಕ ಮೊಬೈಲ್ದ ತೊಡು ತೋಜಾದ್ 2021 ಡಿಸೆಂಬರ್ 7ತಾನಿ ಕಾಸ್ರೋಡ್ ಜಿಲ್ಲೆದ ಮಂಜೇಶ್ವರದ ಲಾಡ್ಜ್ ಒಂಜೆಟ್ ಪೊಣ್ಣನ್ ಕಟ್ಟ್‌ದ್ ಪಾಡ್ದ್ ಆಲೆನ ಮಿತ್ತ ಅತ್ಯಾಚಾರ ಮಲ್ತಿತ್ತೆರ್.
ಅವೆರ್ದ್ ಬೊಕ್ಕ ಆಲೆನ್ ನಾಟೆಕಲ್‌ಗ್ ಲೆತೊಂದು ಪೋದು, ಅಭಿಜಿತ್ ಪನ್ಪಿನಾಯನ ಒಟ್ಟುಗು ಕಡಪುಡ್ದಿತ್ತೆರ್. ಆಯೆ ಕಂಬಪದವುದ ಅಪಾರ್ಟ್‌ಮೆಂಟ್‌ ಒಂಜೆಕ್ ಪೊಣ್ಣನ್ ಲೆತೊಂದು ಪೋದು ಕುಡ ಅತ್ಯಾಚಾರ ಮಲ್ತ್‌ದೆ. ಅಡೆ ಬತ್ತಿನ ಮೊಹಮ್ಮದ್ ಶಾಕೀರ್ ಬೊಕ್ಕ ಅಬ್ದುಲ್ ಸಮದ್ ಕುಡೊರ ಆಲೆನ ಮಿತ್ತ್ ಅತ್ಯಾಚಾರ ಮಲ್ತ್‌ದೆರ್. ಈ ಇಸಯೊನು ಏರೆಗಾಂಡಲಾ ಪನ್ಡ್‌ನ್ಡ, ಕೆರ್ಪ ಪನ್ದ್ ಪೋಡಿಕಟ್ಟಾದಿತ್ತೆರ್. ಈ ಬಗೆಟ್ ಉಳ್ಳಾಲ ಸ್ಟೇಷನ್‌ಡ್ ಪ್ರಕರಣ ದಾಕಲಾದಿತ್ತ್‌ನ್ಡ್. ಅಪಗದ ಇನ್‌ಸ್ಪೆಕ್ಟರ್ ಸಂದೀಪ್‌ ಮೇರ್ ಜಡ್ತೆ ಮಲ್ತ್‌ದ್, ದೋಷಾರೋಪ ಪಟ್ಟಿ ಸಂದಾದಿತ್ತೆರ್.
ಶುಕ್ರವಾರ ಪ್ರಕರಣೊದ ವಿಚಾರಣೆ ಮಲ್ತಿನ ನ್ಯಾಯಾಧೀಶೆ ಮಾನು ಮೇರ್, ಅಪರಾಧಿಲೆಗ್ ಶಿಕ್ಷೆ ಪ್ರಕಟ ಮಲ್ತೆರ್. ಸರ್ಕಾರೊದ ಪರವಾದ್ ವಿಶೇಷ ಸರ್ಕಾರಿ ವಕೀಲೆ ಕೆ. ಬದರಿನಾಥ ನಾಯರಿ ವಾದ ಮಂಡನೆ ಮಲ್ತೆರ್.