Last updated on February 12th, 2025 at 12:53 pm
ಉಡುಪಿ ಫೆಬ್ರವರಿ 12: ಬಸ್ ಡ್ರೈವರ್‌ಗ್ ಬಸ್ ಬುಡೊಂದುಪ್ಪುನಗ ಒರರ್ದ್ ಒರಾನೆ ತಿಗಲೆ ಬೇನೆ ತೋಜಿದ್ ಬತ್ತಿನೆರ್ದಾವರ ಬಸ್ ಪೆರ್ಸಾದಿ ಬುಡ್ದ್ ಬರಿತ ಜಪ್ಪಂಗೆಲ್‌ಗ್ ಜತ್ತ್‌ದ್ ಉಂತುದಿನ ನಡಕೆ ನಡತ್‌ದ್ಂಡ್.
ತೆಂಕ ಎರ್ಮಾಳ್‌ದ ಪಲ್ಲಿದ ಕೈತಲ್ ಒಡಿಪುದಂಚಿ ಪೋವೊಂದಿತ್ತಿನ ಎಕ್ಸ್‌ಪ್ರೆಸ್ ಬಸ್‌ದ ಡ್ರೈವರ್ ಶಂಭು ಪನ್ಪಿನಾರೆಗ್ ತಿಗಲೆಬೇನೆ ತೋಜಿದ್ ಬೈದ್ಂಡ್. ಬಸ್, ಡ್ರೈವರ್‌ನ ಅಂಕೆ ತತ್ತ್‌ದ್ ಸೀದಾ ಸಾದಿ ಬರಿತ ಜಪ್ಪಂಗೆಲ್‌ಗ್ ಪೋದು ಉಂತುದುಂಡು. ಅಪಗನೇ ಬಸ್ ಡ್ರೈವರ್ ಬೊಕ್ಕ ಗಡಿಕುಲಾದಿತ್ತಿನ ಪ್ರಯಾಣಿಕೆರೆನ್ ಒಡಿಪುದ ಖಾಸಗಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಬಸ್ ಸಾದಿರ್ದ್ ಜತ್ತ್‌ದ್ ತಿರ್ತ್ ಪೋದು, ಅಲ್ಪ ಇಲ್ಲ್, ಜನ ಏರ್ಲಾ ಇಜ್ಜಂದಿನೆರ್ದಾವರ ಮಾಮಲ್ಲ ಅನಾಹುತ ಒಂಜಿ ತತ್ತ್‌ದ್ಂಡ್ ಪನ್ದೇ ಪನೊಲಿ.