ಪುತ್ತೂರು: ಎಪಿಎಂಸಿ ರಿಕ್ಷಾ ಸರ್ವಿಸ್ ಶೋರೂಮ್‌ದ ಕೈತಲ್ ತೊಡ್ಡೆದ ಕೆಲೆಂಜಿಲೆನ ದಾಳಿ – ರಿಕ್ಷಾ ಡ್ರೈವರ್ ಒರಿ ಸೀರಿಯಸ್

Last updated on February 27th, 2025 at 11:21 am

ಪುತ್ತೂರು: ಎಪಿಎಂಸಿ ಸಾದಿದ ಕೈತಲ್ ಆಟೋ ರಿಕ್ಷಾ ಸರ್ವಿಸ್ ಶೋರೂಮ್ ದಲ್ಪ ತೊಡ್ಡೆದ ಕೆಲೆಂಜಿಲು ದಾಳಿ ಮಲ್ತ್‌ದ್, ಪಾಕ ಜನಕ್ ಗಡಿಕುಲಾತಿನ ನಡಕೆ ಇನಿ, ಫೆ. 27 ತಾನಿ ನಡತ್‌ದ್ಂಡ್.

ರಿಕ್ಷಾ ಡ್ರೈವರ್ ಒರಿಯಗ್ ಗಾತಿದ ಗಡಿಕುಲಾತ. ಬಡಕೋಡಿದ ರಿಕ್ಷಾ ಡ್ರೈವರ್ ಪ್ರಕಾಶ್ ಪನ್ಪಿನಾರ್ ಗಾತಿದ ಗಡಿಕುಲಾತಿನಾರ್. ಆರ್ ರಿಕ್ಷಾ ಸರ್ವಿಸ್‌ಗ್ ಬತ್ತ್‌ದ್ ತನ್ನ ರಿಕ್ಷಾಡೆ ಜೆತ್ತಿತ್ತೆರ್. ಈ ಪೊರ್ತುಡು ತೊಡ್ಡೆದ ದಾಳಿ ಆವೊಂದಿತ್ತಿಲೆಕನೆ ಶೋರೂಮ್‌ದ ಸುತ್ತ, ಆದರ್ಶ ಆಸ್ಪತ್ರೆದ ಉದುರುಡೆ ಮಾತ ಜನ ತಾರಾಮರ ಬಲಿಪೆರ ಪತ್ತ್‌ದೆರ್.

ಈ ನಡುಟು ರಿಕ್ಷಾದುಲಯಿ ಜೆತ್ತಿತ್ತಿನ ಡ್ರೈವರ್ ಪ್ರಕಾಶ್ ಮೆರೆನ ಮಿತ್ತ್ ತೊಡ್ಡೆದ ಕೆಲೆಂಜಿಲು ದಾಳಿ ಮಲ್ತ್‌ದ. ಗಾತಿದ ಗಡಿಕುಲಾತಿನ ಆರೆನ್ ಆಸ್ಪತ್ರೆಗ್ ದಾಕಲ್ತ್‌ದೆರ್. ಡ್ರೈವರ್ ಪ್ರಕಾಶೆರೆನ ಮೆಯಿಟ್ ಇಡೀಕ ತೊಡ್ಡೆದ ಕೆಲೆಂಜಿಲೆನ ಮುಳ್ಳು ಕಂತ್‌ದ.