Last updated on February 4th, 2025 at 10:51 am
ಹಾವೇರಿ: ಇರ್ವೆರ್ ಜೋಕುಲೆಗ್ ವಿಷ ತಿನ್ಪಾದ್, ಅವೆರ್ದ್ ಬೊಕ್ಕ ಅಮ್ಮೆಲಾ ಆತ್ಮಹತ್ಯೆಗ್ ಪುನೆದಿನ ನಡಕೆ ಹಾವೇರಿ ತಾಲೂಕ್‌ದ ಹಳೇರಿತ್ತಿ ಗ್ರಾಮೊಡು ನಡತ್‌ದ್ಂಡ್.
ಬೊಡೆದಿ ಬೊಕ್ಕ ಜೋಕುಲೆನ್ ಊರುಡೇ ಬುಡ್ದ್ ನಾಗೇಶೆ ಪನ್ಪಿನಾರ್ ಬೆನ್ಯೆರ ಬೇತೆ ಊರ್‌ಗ್ ಪೋದಿತ್ತೆರ್. ಊರ್‌ಗ್ ಪಿರ ಬತ್ತಿನ ಪೊರ್ತುಡು ಬೊಡೆದಿಡ ಕಾಸ್‌ದ ವಿಚಾರೊಗು ಕಂಟ್ಯೊಂದು, ಉಡಲ್‌ಗ್ ಬೇನೆ ಆದ್ ನಾಗೇಶ್ ತನ್ನ 10 ವರ್ಸ ಪ್ರಾಯೊದ ಮಗೆ ಬೊಕ್ಕ 8 ವರ್ಸ ಪ್ರಾಯೊದ ಮಗಲೆನ್ ಊರ್‌ರ್ದ್ ಪಿದಯಿ ಲೆತೊಂದು ಪೋದು ಅಕ್ಲೆಗ್ ವಿಷ ತಿನ್ಪಾದ್ ಬೊಕ್ಕ ತಾನ್ಲಾ ಆತ್ಮಹತ್ಯೆ ಮಲ್ತೊನರ ತೂತೆರ್ ಪನ್ದ್ ಸಂಬಂಧಿಕೆರ್ ಒರಿ ತೆರಿಪಾದೆರ್. ಕುಡೊಂಜಿ ಕಡೆಟ್ ನಾಗೇಶ್ ಕೆಲ ಸಂಘೊಲೆಡ್ ಕಡ ಗೆತೊಂದಿತ್ತೆರ್, ಅಂಚಾದ್ ಕಡತ ಕಾಸ್ ಪಿರ ಕೊರ್ರೆ ಕಡ ಕೊರ್ತಿನಕುಲು ಕಿರುಕುಳ ಕೊರ್ತಿನ ಬಗೆಟ್ಲಾ ಅನುಮಾನ ತೋಜೊಂದುಂಡು ಪನ್ದ್ ಸಂಬಂಧಿಕೆರ್ ಪನೊಂದುಲ್ಲೆರ್.
ಸದ್ಯೊಗು ಇರ್ವೆರ್ ಜೋಕುಲೆಗ್ ಬೊಕ್ಕ ನಾಗೇಶೆರೆಗ್ ಅಲ್ಪದ ಜಿಲ್ಲಾಸ್ಪತ್ರೆಡ್ ಮರ್ದ್ ಮನ್ಪಾದ್, ಎಚ್ಚಿನ ಮರ್ದ್‌ಗ್ ಹುಬ್ಬಳ್ಳಿದ ಕಿಮ್ಸ್‌ಗ್ ಕಡಪುಡ್ದೆರ್.