Last updated on February 19th, 2025 at 04:38 pm
ಸೋಮಾರೊರ್ದು ಫಾಸ್ಟ್ಯಾಗ್‌ದ ಪೊಸ ನೇಮೊಲು ಜಾರಿಗ್ ಬೈದ. ಉಂದೆತ ಅಡಿಟ್, ಕಮ್ಮಿ ಬ್ಯಾಲೆನ್ಸ್, ಕಡೆಸ್ಸ್‌ದ್ ಕಟ್ಟುನು ಅತ್ತ್ಂಡ ಫಾಸ್ಟ್ಯಾಗ್ನ್ ಬ್ಲ್ಯಾಕ್‌ಲಿಸ್ಟ್ ಗ್ ಗೋಡ್ಯಾಂಡ ಎಚ್ಚಿನ ದಂಡ ಕಟ್ಟೊಡಾಪುಂಡು.
ಫಾಸ್ಟ್ಯಾಗ್‌ದ ಸಮಸ್ಯೆಲೆರ್ದಾವರ ಟೋಲ್ ಪ್ಲಾಜಾಲೆಡ್ ಗಾಡಿಲು ಸಾಲ್ ಸಾಲ್ ಉಂತುನೆನ್ ಕಮ್ಮಿ ಮನ್ಪುನ ಉದ್ದೇಶೊಡು ಇಂಚ ಮಲ್ದೆರ್. ಸರ್ಕಾರ ಬುಡ್ತಿನ ಪೊಸ ನೇಮೊಲೆನ ಪ್ರಕಾರ, ಗಾಡಿ ಟೋಲ್ ಕಡಪುನ ದುಂಬು 60 ನಿಮಿಷೊರ್ದು ಎಚ್ಚ ಪೊರ್ತು ಅಂಚೆನೇ ಟೋಲ್ ಕಡತಿ ಬೊಕ್ಕ 10 ನಿಮಿಷ ಪೊರ್ತು ಫಾಸ್ಟ್ಯಾಗ್ ನಿಷ್ಕ್ರಿಯ ಆದಿತ್ತ್ಂಡ, ಆತಿನ ವೈವಾಟ್ ಕ್ಯಾನ್ಸಲ್ ಆಪುಂಡು. ಉಂದು ಎರರ್ ಕೋಡ್ 176 ಅಡಿಟ್ ಬರ್ಪುಂಡು.
ಪೊಸ ನೇಮೊಲೆಡ್ ದಾದ ಉಲ್ಲ?
* ಫಾಸ್ಟ್ಯಾಗ್‌ಡ್ ಕಾಸ್ ಉಪ್ಪೊಡು, ಇಜ್ಜಿಂಡ ಟೋಲ್ ಪೊಗ್ಗೆರೆ ಒಂಜಿ ಗಂಟೆ ದುಂಬೆ ಕಾಸ್ ಪಾಡ್ದುಪ್ಪೊಡು. ಟೋಲ್ ಬತ್ತಿ ಬೊಕ್ಕ ರಿಚಾರ್ಜ್ ಮಲ್ತ್ಂಡ ಸಮಸ್ಯೆ ಆಪುಂಡು.
* ಟೋಲ್ ಕಡಪುನ 60 ನಿಮಿಷ ದುಂಬು ಅಂಚೆನೇ ಕಡತಿನ 10 ನಿಮಿಷ ಮುಟ್ಟ ಫಾಸ್ಟ್ಯಾಗ್ ಆಕ್ಟೀವ್ ಇಪ್ಪೊಡು. ಓಲ್ಲಾ ಈ ನಿಯಮ ಪಾಲನೆ ಮಲ್ತಿಜಿಂಡ, ಟೋಲ್ ಸಿಸ್ಟಮ್‌ಡ್ ಎರರ್ ಕೋಡ್ 176 ಪನ್ದ್ ತೂಪಾವುಂಡು. ಇಂಚ ಆಂಡ ಪ್ರಯಾಣಿಕೆರ್ ಡಬಲ್ ಕಾಸ್ ಕೊರೊಡಾಪುಂಡು.
* ಕೆವೈಸಿ ಮಲ್ತಿಜ್ಜಿಂಡ ನಿಕ್ಲೆನ ಫಾಸ್ಟ್ಯಾಗ್ನ್ ಬ್ಲ್ಯಾಕ್‌ಲಿಸ್ಟ್‌ಗ್ ಗೋಡ್ಯಾವೆರ್. ಐಕ್ಲಾ ಡಬಲ್ ಚಾರ್ಜ್
* ಗಾಡಿ ಟೋಲ್ ಗೇಟ್ ಕಡತ್‌ದ್ 15 ನಿಮಿಷ ಕರಿದ್ ಫಾಸ್ಟ್ಯಾಗ್ ಅಕೌಂಟ್‌ರ್ದ್ ಕಾಸ್ ಕಟ್ ಆಂಡ ಐಕ್ ಗಾಡಿದಕುಲು ಎಚ್ಚಿನ ಶುಲ್ಕ ಕಟ್ಟೊಡಾಪುಂಡು.
* ಟೋಲ್‌ಗೇಟ್‌ಡ್ ಕಾಸ್ ಕಟ್ ಆಪಿನ ಕಡೆಸ್ಸ್ಂಡ ಅವೆಕ್ ಟೋಲ್ ಆಪರೇಟರ್ ಜಬದ್ದರಿ.
ಟೋಲ್ ಸಂಗ್ರಹೊನು ಎಚ್ಚ ಪಾರದರ್ಶಕ ಬೊಕ್ಕ ಸುಲಭ ಮನ್ಪುನು ಈ ಪೊಸ ವ್ಯವಸ್ಥೆದ ಉದ್ದೇಶ. ಉಂದೆರ್ದಾವರ ಟೋಲ್ ಪ್ಲಾಜಾಡ್ ಟ್ರಾಫಿಕ್ ಜಾಮ್ ಕಮ್ಮಿ ಮನ್ಪೋಲಿ. ಈ ಪಗತೆಲು ಎಚ್ಚಿನ ಜನಕ್ ತೆರಿಯಂದೆ ಎಚ್ಚಿನ ಕಾಸ್ ಕಟ್ಟೊಡಾದ್ ಬರು. ಜಾಗ್‌ರ್ತೆಡ್ ಮಾತ ನೇಮೊಲೆನ್ ತೂವೊನ್ಲೆ.