Last updated on February 14th, 2025 at 08:38 am
ಜನಾಂಗೀಯ ಹಿಂಸಾಚಾರೊಡು ನರ್ಗ್‌ದ್ ಪೋತಿನ ಮಣಿಪುರಡ್ ರಾಷ್ಟ್ರಪತಿ ಆಲ್ಮೆ ಜಾರಿ ಆತ್ಂಡ್. ಮುಖ್ಯಮಂತ್ರಿ ಎನ್ ಬಿರೇನ್ ಸಿಂಗ್ ರಾಜೀನಾಮೆ ಕೊರ್ತಿನ ಕೆಲ ದಿನೊಟೇ ರಾಷ್ಟ್ರಪತಿ ಆಲ್ಮೆ ಜಾರಿ ಮಲ್ತ್‌ದ್ ಆದೇಶ ಮಲ್ದ್ಂಡ್.
ಮುಖ್ಯಮಂತ್ರಿ ಅಭ್ಯರ್ಥಿ ಏರ್ ಪನ್ದ್ ತೀರ್ಮಾನ ಮನ್ಪೆರ ಬಿಜೆಪಿರ್ದ್ ಆವಂದಿನೆರ್ದಾವರ ಕೇಂದ್ರ ಸರ್ಕಾರ ಈ ಕ್ರಮ ಗೆತೊಂದ್ಂಡು.
ರಾಜ್ಯಪಾಲೆರೆ ವರದಿ ಬತ್ತಿ ಬೊಕ್ಕ ಎಂಕ್ ಬತ್ತಿನ ವರದಿ ಅಂಚೆನೇ ಬೇತೆ ಒಲವುಲೆನ್ ಪರಿಗಣಿತ್‌ದ್, ಮಣಿಪುರ ರಾಜ್ಯೊದ ಸರ್ಕಾರೊನು ಭಾರತದ ಸಂವಿಧಾನೊದ ನಿಬಂಧನೆಲೆ ಪ್ರಕಾರ ನಡಪಾಯೆರಾವಂದಿನ ಪರಿಸ್ಥಿತಿ ಉಂಡಾತ್ಂಡ್ ಪನ್ದ್ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೆರೆನ ಕಚೇರಿ ಕೊರ್ತಿನ ಪ್ರಕಟಣೆಡ್ ತೆರಿಪಾದ್ಂಡ್.
ವಿಧಾನಸಭೆನ್ಲಾ ಸಸ್ಪೆಂಡ್ ಮಲ್ದೆರ್.
“ಸಂವಿಧಾನೊದ 356 ನೇ ವಿಧಿ ಬೊಕ್ಕ ಅವೆತ ಪರವಾದ್ ಎಂಕ್ ಅಧಿಕಾರ ಕೊರ್ಪುನ ಬೇತೆ ಮಾತಾ ಅಧಿಕಾರೊಲೆರ್ದ್ ಕೊರ್ತಿನ ಅಧಿಕಾರೊಲೆನ್ ಗಲಸುನ ಮುಕೇನ, ಮಣಿಪುರ ರಾಜ್ಯ ಸರ್ಕಾರೊದ ಮಾತ ಬೇಲೆಲೆನ್ ಬೊಕ್ಕ ಆ ರಾಜ್ಯೊದ ರಾಜ್ಯಪಾಲೆರ್ ವಯಿತೊಂದಿನ ಅತ್ತ್ಂಡ ಗಲಪೊಲಿ ಪನ್ಪಿನಂಚಿನ ಮಾತ ಅಧಿಕಾರೊಲೆನ್ ಯಾನ್ ಭಾರತೊದ ಗುರ್ಕಾರ್ದಿಯಾದ್ ವಯಿತೊನುವೆ” ಪನ್ದ್ ಅಧಿಸೂಚನೆಡ್ ತೆರಿಪಾದೆರ್.
ಬಿಜೆಪಿ ಉಸ್ತುವಾರಿ ಸಂಬಿತ್ ಪಾತ್ರ ಇಂಫಾಲ ಡ್ ಇತ್ತ್‌ದ್, ಬಿಜೆಪಿ ಶಾಸಕೆರೆ ಒಟ್ಟುಗು ಚರ್ಚೆ ಮಲ್ತೊಂದುಲ್ಲೆರ್. ಆಂಡ ಅಂಗಾರೆ ಬೆರಿಬೆರಿ ಇನಯೊಲು ನಡತಿ ಬೊಕ್ಕಲಾ ಮುಖ್ಯಮಂತ್ರಿ ವಿಚಾರೊಡು ಮಾತೆರ್ಲಾ ಒಂಜೇ ಅಭಿಪ್ರಾಯೊಗು ಬರ್ಯೆರೆ ಆತಿಜಿ.