ಮೂಜಿ ದಶಕೊರ್ದು ಬೊಕ್ಕ ಕುಡ್ಲದ ಕಡಲಕರೆಕ್ ಬತ್ತಿನ ಕಡಲ ಏಮೆಲು

Last updated on February 7th, 2025 at 11:45 am

ಸುಮಾರ್ ಮೂಜಿ ದಶಕೊರ್ದು ಬೊಕ್ಕ ಕುಡ್ಲದ ಕಡಲಕರೆಕ್ ಕಡಲ್ದ ಏಮೆಲು ಬತ್ತುದ. ಅಳಿದ್ ಪೋಪಿನ ಅರುಟು ಉಪ್ಪುನ ಬಾರೀ ಅಪರೂಪದ ಕಡಲ್ದ ಏಮೆ ಒಲೀವ್ ರಿಡ್ಲೆ ಕುಡ್ಲ ಜಿಲ್ಲೆದ ದೈಬಿತ್ತಿಲ್ದ ಕಡಲಕರೆಟ್ ತೆತ್ತಿ ದೀತ.

ಕಡಲಕರೆಕ್ ಬತ್ತ್ ತೆತ್ತಿ ದೀಪಿನ ದೃಶ್ಯೊ ಕೆಮರೊಡು ತಿಕ್ಕುದ್ಂಡ್. ಇತ್ತೆ ಈ ತೆತ್ತಿಲು ನಾಶ ಆವಂದಿಲೆಕ್ಕ ಕಾಪುನ ಕಜ್ಜೊನು ಅಲ್ಪದ ಕಡಲಾಯೆರ್ನಕುಲು ಮಲ್ತೊಂದುಲ್ಲೆರ್. ವನ್ಯಜೀವಿ ಸಂರಕ್ಷಣಾ ಕಾಯ್ದೆ ಅನುಸೂಚಿ 1ತ್ತ ಲೆಕ್ಕೊಡು ಕಡಲ್ದ ಏಮೆಲೆಗ್ ರಕ್ಷಣೆ ಉಂಡು. ತಾನ್ ಪುಟ್ಟಿನ ಜಾಗೆಗೇ ಪಿರ ಬತ್ತ್ ತೆತ್ತಿ ದೀಪಿನವು ಈ ಏಮೆಲೆನ ವಿಶೇಷ.