Last updated on February 19th, 2025 at 07:31 pm
ಒಡಿಪು, ಫೆ.19: ಸ್ಕೂಟರ್ ಬೊಕ್ಕ ಗೂಡ್ಸ್ ರಿಕ್ಷಾ ಎದುರೆದುರು ಎಡ್ತೊಂದು ಸ್ಕೂಟರ್ ಬುಡೊಂದಿತ್ತಿನಾರ್ ತೀರ್ದ್, ಪಿರವು ಕುಲ್ಲುದಿತ್ತಿನಾರೆಗ್ ಗಾತಿದ ಗಡಿಕುಲಾತಿನ ನಡಕೆ ಅಂಗಾರೆ ರಾಷ್ಟ್ರೀಯ ಪೆರ್ಸಾದಿ 66ತ ಸಾಲಿಗ್ರಾಮ ಮುಟ್ಟ ಚೇಂಪಿ ವಿಶ್ವಕರ್ಮ ಸಭಾ ಭವನದ ಕೈತಲ್ ನಡತ್‌ದ್ಂಡ್.
ತೀರ್ದಿನ ಸ್ಕೂಟರ್ ಬುಡೊಂದಿತ್ತಿನಾರೆನ್ ಗುಂಡ್ಮಿ ಅನಂತ ಹೆಗ್ಡೆ(40) ಪನ್ದ್ ಗುರ್ತ ಪತ್ತ್‌ದೆರ್. ಗಾತಿದ ಗಡಿಕುಲಾತಿನಾರ್, ಚೇಂಪಿ ದೇಲಂತಡೆದ ಮ್ಯಾನೇಜರ್ ಆದ್ ಬೇಲೆ ಮಲ್ತೊಂದಿತ್ತಿನ ವಿಶ್ವನಾಥ್ ನಾಯಕ್ ಮೆರೆನ್ ಬ್ರಹ್ಮಾವರ ಆಸ್ಪತ್ರೆಗ್ ದಾಕಲ್ತ್‌ದೆರ್.
ನಡಕೆದ ಒಲವು:
ರಾಷ್ಟ್ರೀಯ ಪೆರ್ಸಾದಿ 66ಟ್ ಒಡಿಪುರ್ದ್ ಕುಂದಾಪುರ ದಂಚಿ ಪೋವೊಂದಿತ್ತಿನ ಗೂಡ್ಸ್ ರಿಕ್ಷಾಗ್ ಎದುರುರ್ದ್ ಬರೊಂದಿತ್ತಿನ ಸ್ಕೂಟರ್ ಎಡ್ತ್‌ದ್ಂಡ್. ಎಡ್ತಿನ ಪೆಟ್ಟ್‌ಗ್ ಸ್ಕೂಟರ್ ಬುಡೊಂದಿತ್ತಿನ ಅನಂತ ಹೆಗ್ಡೆ ಸಾದಿಗ್ ಬೂರ್ದ್ ಗಾತಿದ ಗಡಿಕುಲಾದಿತ್ತ. ಅಪಗನೇ ಮುಟ್ಟದಕಲೆನ ಸಕಾಯೊಡು ಟೋಲ್ ಆಂಬುಲೆನ್ಸ್ ಡ್ ಆಸ್ಪತ್ರೆಗ್ ಲೆತೊಂದು ಪೋಪಿನ ಸಾದಿ ನಡುಟೇ ತೀರ್ದೆರ್. ಕೋಟ ಸ್ಟೇಶನ್ ಪೊಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದ್ ಪ್ರಕರಣ ದಾಕಲ್ತೊಂದೆರ್.