Last updated on February 9th, 2025 at 06:36 am
ನೆಲ್ಯಾಡಿ: ಕುಡ್ಲ ಬೆಂಗಳೂರು ಪೆರ್ಸಾದಿ 75ತ ಶಿರಾಡಿ ಪನ್ಪಿನಲ್ಪ ಸ್ಕೂಟರ್ ಬೊಕ್ಕ ಕಾರ್ ಎಡ್ತೊಂದು, ಸ್ಕೂಟರ್ ಬುಡೊಂದಿತ್ತಿನಾರೆಗ್ ಗಾತಿದ ಗಡಿಕುಲಾದ್ ಆಸ್ಪತ್ರೆಗ್ ಲೆತೊಂದು ಪೋಪೀನ ಸಾದಿ ನಡುಟು ತೀರ್ದಿನ ನಡಕೆ ಶನಿವಾರ ನಡತ್‌ದ್ಂಡ್.
ತೀರ್ದಿನಾರೆನ್ ಶಿರಾಡಿ ಗ್ರಾಮೊದ ಕೋಟಾಯಿಲ್ ನಿವಾಸಿ ಜೋನ್ (56) ಪನ್ದ್ ಗುರ್ತ ಪತ್ತ್‌ದೆರ್.
ಬೆಂಗಳೂರುರ್ದ್ ಕುಡುಮಗ್ ಬರೊಂದಿತ್ತಿನ ಕಾರ್ ಬೊಕ್ಕ ಶಿರಾಡಿರ್ದ್ ಕೋಟಾಯಿಲ್ ಇಲ್ಲದಂಚಿ ಪೋವೊಂದಿತ್ತಿನ ಸ್ಕೂಟರ್‌ದ ನಡುಟು ಎಡ್ತೆ ನಡತ್‌ದ್ಂಡ್.
ನಡಕೆ ನಡತಿನ ಪೊರ್ತುಡು ಅವ್ವೇ ಸಾದಿಡೆ ಬರೊಂದಿತ್ತಿನ ಮಾಜಿ ಸಂಸದೆ ನಳಿನ್ ಕುಮಾರ್ ಕಟೀಲೆರ್ ತನ್ನ ಕಾಪುದ ಗಾಡಿಡ್ ಪೆಟ್ಟಾತಿನಾರೆನ್ ನೆಲ್ಯಾಡಿದ ಖಾಸಗಿ ಆಸ್ಪತ್ರೆಗ್ ದಾಕಲ್ತ್‌ದ್, ಕಡಿಮರ್ದ್ ಕೊರ್ಪಾದ್ ಎಚ್ಚಿನ ಮರ್ದ್‌ಗ್ ಆಂಬುಲೆನ್ಸ್‌ಡ್ ಕುಡ್ಲಗ್ ಕಡಪುಡ್ದು ಕೊರ್ದು ಮಾನವೀಯತೆ ತೋಜಾದೆರ್.
ಜಾಗೆಗ್ ನೆಲ್ಯಾಡಿ ಔಟ್ ಸ್ಟೇಶನ್ ಪೊಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ತೀರ್ದಿನ ಜೋನ್ ಮೇರ್ ಅಮ್ಮೆರ್ ಜೋಸೆಫ್ ಕೊಟ್ಟಾಯಿಲ್, ಬೊಡೆದಿ ಮೋಳಿ, ಮಗಲರ್ಲು ಸಾನಿಯಾ, ಶಾನಿ, ಶೀನಾ ಬೊಕ್ಕ ಮಗೆ ಶ್ಯಾಮ್ ಪನ್ಪಿನಕ್ಲೆನ್ ಅಗತ್‌ದೆರ್.