ಕಡೀರ ತುಳು ಲಿಪಿ ಕಲ್ಪಾದಿ ಶ್ರೀಶಾವಾಸವಿ ತುಳುನಾಡ್ ಮೆರೆಗ್ ಓಮಾನ್‌ಡ್ ‘ತುಳುನಾಡ್ದ ಗೇನದ ಪಿಂಗಾರೊ’ ಬಿರ್ದ್ ಪ್ರದಾನ

Last updated on February 2nd, 2025 at 07:06 pm

ಓಮಾನ್ ತುಳುವೆರ್ ಸಂಘಟನೆದ ಮುತಾಲಿಕೆಡ್ ಓಮಾನ್ ಕಲಾವಿದೆರ್ ಬಳಗೊರ್ದು ಜನವರಿ 31ತಾನಿ ಮಸ್ಕತ್‌ದ ಮಜನ್ ಹೈಟ್‌ ಸಭಾಂಗಣೊಡು ನಡತಿನ ನಿತ್ಯೆ ಬನ್ನಗ ನಾಟಕ ಪ್ರದರ್ಶನ ಅಂಚೆನೇ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮೊಡು ಸಾಧಕಿ, ಕಡೀರ್ದ ತುಳು ಲಿಪಿ ಕಲ್ಪಾದಿ ಶ್ರೀಶಾವಾಸವಿ ತುಳುನಾಡ್ (ವಿದ್ಯಾಶ್ರೀ ಎಸ್) ಮೆರೆಗ್ ‘ತುಳುನಾಡ್ದ ಗೇನದ ಪಿಂಗಾರೊ’ ಬಿರ್ದ್ ಪ್ರದಾನ ಮಲ್ತೆರ್.

ಸಪ್ತಭಾಷಾ ಸಾಹಿತಿ, ತುಳು ಲಿಪಿ ಕಲ್ಪಾದಿ, ಸಂಘಟಕೆದಿ, ಕರ್ನಾಟಕ ಕಾರ್ಯನಿರತ ಪತ್ರಕರ್ತೆರೆ ಸಂಘೊದ ಪದುಕೆದಿ ಅಂಚೆನೇ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಪದುಕೆದಿ ಶ್ರೀಶಾವಾಸವಿ ತುಳುನಾಡ್‌ ಮೆರೆನ ತುಳುಪರ ಚಟುವಟಿಕೆ, ತುಳುಲಿಪಿ ಅಧ್ಯಯನ-ಅಧ್ಯಾಪನ, ಸಪ್ತಭಾಷಾ ಸಾಹಿತ್ಯ, ಸಿನೆಮಾ ಯಕ್ಷಗಾನ ಸೇರ್ದ್ ಕಲಾ ಸಾಧನೆ, ಸಂಸ್ಕೃತಿ-ಸಂಪ್ರದಾಯೊದ ಬಗೆತ ವಿಶೇಷ ಒಲವು, ಗೇನ ಸಂಪೊತ್ತು, ಓಮಾನ್‌ಡುಪ್ಪುನ ತುಳುವೆರೆಗ್ ತುಳು ಲಿಪಿ ಕಲ್ಪಾದಿನ ಸೇರ್ದ್ ಆರೆನ ಸಮಗ್ರ ಸಾಧನೆನ್ ಪರಿಗಣಿತ್‌ದ್ ಓಮಾನ್ ತುಳುವೆರ್ ಸಂಘಟನೆರ್ದ್ ತುಳುನಾಡ್ದ ಗೇನದ ಪಿಂಗಾರ ಬಿರ್ದ್ ಕೊರ್ದು ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಮಿತ್ತರ್ಮೆಡ್ ಕರ್ನಾಟಕ ಘನ ಸರಕಾರೊದ ಸಭಾಧ್ಯಕ್ಷೆರಾಯಿನ ಮಾನ್ಯ ಯು ಟಿ ಖಾದರ್, ಸಚಿವೆರಾಯಿನ ಸಿ ಟಿ ರವಿ, ರಘುಪತಿ ಭಟ್, ವಿಶ್ವವಾಣಿ ಪತ್ರಿಕೆದ ಮುಖ್ಯಸ್ಥೆರ್ ವಿಶ್ವೇಶ್ವರ ಭಟ್, ಓಮಾನ್‌ದ ಕಲಾ ಪೋಷಕೆರ್, ಉದ್ಯಮಿಲು ಆದುಪ್ಪುನ ದಿವಾಕರ ಶೆಟ್ಟಿ ಮಲ್ಲಾರ್, ಓಮಾನ್ ಕನ್ನಡ ಸಂಘೊದ ಅಧ್ಯಕ್ಷೆ ಪ್ರಸಾದ್, ಓಮಾನ್ ತುಳುವೆರ್ ಸಂಘಟನೆದ ರಮಾನಂದ ಶೆಟ್ಟಿ, ಸುಧೀರ್ ಶೆಟ್ಟಿ, ಸ್ಟ್ಯಾನ್ಲಿ ಇಂಚ ಪಾಕ ಗಣ್ಯೆರ್ ಮಿತ್ತರ್ಮೆಡ್ ಒತ್ತುಪಾಲಿತ್ತೆರ್.